"Rusiyanın keçmiş müdafiə naziri, hazırda Rusiya Təhlükəsizlik Şurasına rəhbərlik edən Sergey Şoyqu siyasi çəkisini itirib".

HİT.az xəbər verir ki, bunu "Ukrinform"a müsahibəsində Ukrayna Müdafiə Nazirliyinin Baş Kəşfiyyat İdarəsinin rəisi Kiril Budanov Rusiya rəhbərliyindəki vəziyyəti şərh edərkən bildirib.

"Heç nə dəyişməyib. Yeganə dəyişən odur ki, Şoyqunun rolu xeyli azalıb. Patruşevin (Rusiya Federasiyası Təhlükəsizlik Şurasının keçmiş katibi Nikolay Patruşevi-red.) rolunun çox dəyişməməsinə baxmayaraq, yeganə şey budur. Bu maraqlı məqamdır... Rusiya Federasiyasının milli təhlükəsizlik və müdafiə naziri vəzifəsi Rusiyada əsas mövqedir. Başqa bir sual isə Şoyqunun konkret olaraq nə ilə məhdudlaşdırıldığıdır", deyə kəşfiyyat rəhbəri bildirib.

Nikolay Patruşevin Təhlükəsizlik Şurasının katibi kimi əvvəlki vəzifəsi əvəzinə Rusiya prezidentinin köməkçisi təyin edilməsindən danışan Budanov deyib: 

"Və bir maraqlı şeyi bilirsiniz ki, onun ofisi Kremldədir. Və əvvəllər başqa ünvanda idi. Sizə deyirəm, ilk baxışdan göründüyü qədər sadə deyil. Dəyişikliklər vaxtı keçmişdi, etdiklərini etdilər. Lakin Şoyqu Patruşev olmadı. O, hətta müavinlərini belə təyin edə bilmir".

Sergey Şoyqu 2012-ci ildən 2024-cü ilin may ayına qədər Rusiya Federasiyasının müdafiə naziri vəzifəsində çalışıb. Bundan sonra o, Rusiya Federasiyası Təhlükəsizlik Şurasının katibi təyin edilib. Andrey Belousov Rusiya Federasiyasının yeni müdafiə naziri olub.

Eyni zamanda, Rusiya Təhlükəsizlik Şurasının keçmiş katibi Nikolay Patruşev prezident Vladimir Putinin köməkçisi təyin edilib. 

2024-cü ilin iyununda Beynəlxalq Cinayət Məhkəməsinin hakimləri Rusiya Təhlükəsizlik Şurasının katibi Sergey Şoyqu və Rusiya Silahlı Qüvvələrinin Baş Qərargah rəisi Valeri Gerasimovun həbsinə order veriblər.

Şoyqu və Gerasimov mülki obyektlərə hücum, mülki əhaliyə həddindən artıq təsadüfi zərər vurma və ya mülki obyektlərə ziyan vurma, habelə insanlığa qarşı cinayətlər şəklində hərbi cinayətlərdə şübhəli bilinir.

Samir