ABŞ Ukraynaya maliyyə yardımı üçün 114 milyard dollar xərcləyib.

Hit.az xəbər verir ki, bunu Ukrayna prezidentinin müşaviri Mixaylo Podolyak deyib.

O, Vaşinqtonun 2022-ci ilin fevralından bəri Ukraynaya 300-500 milyard dollar xərclədiyi barədə xəbərləri rədd edib.

"Amerikanın Ukraynaya yardımının ümumi məbləği 300 və ya 500 milyard yox, 114 milyard dollardır", deyə Podolyak aydınlıq gətirib.

Onun sözlərinə görə, bu pulların böyük hissəsi hərbi sektora gedib. Onun hesablamalarına görə, ABŞ-dan silah tədarükü bütün pulların 2/3-sini təşkil edir. O, pulun bəzi hissəsinin Amerikanın müdafiə şirkətlərinə göndərildiyini də qeyd edib.

Fevralın 4-də ABŞ prezidenti Donald Tramp bəyan edib ki, Kiyev Vaşinqtona nadir torpaq metallarına çıxış təmin edərsə, Ukraynaya dəstəyi davam etdirməyə hazırdır. Onun sözlərinə görə, Ukrayna tərəfi artıq belə bir razılaşmaya hazır olduğunu bildirib.

Daha sonra Ağ Evin rəhbəri vurğulayıb ki, ABŞ Ukraynaya 300 milyard dollardan çox sərmayə qoyub və təxminən 500 milyard dollar dəyərində nadir torpaq metalları şəklində ekvivalent almaq niyyətindədir.

Samir