"Avropa İttifaqının Ukraynaya 40 milyard avroya qədər yardım ayırması planı İtaliyada suallar doğurur və bu, respublikanın Müdafiə Nazirliyi ilə birlikdə qiymətləndiriləcək". 

HİT.az xəbər verir ki, bunu İtaliyanın xarici işlər naziri və baş nazirin müavini Antonio Tajani “La Stampa” qəzetinə müsahibəsində bildirib.

Onun sözlərinə görə, bu təşəbbüs diqqətlə ətraflı izah edilməli, onlar diqqətlə öyrənilməli və qiymətləndirilməlidir.

Tajani vurğulayıb ki, İtaliya həmişə Ukraynaya kömək edib, lakin ölkəni hansı xərclərin gözlədiyini başa düşmək lazımdır, çünki NATO-nun müdafiə xərclərinin parametrlərinə, eləcə də Avropa Komissiyasının sədri Ursula fon der Leyenin Avropanın yenidən silahlanma planına cavab vermək üçün çoxlu pul yatırılmalıdır.

Diplomat qeyd edib ki, Aİ xarici işlər nazirlikləri rəhbərlərinin martın 17-də keçiriləcək görüşündə bu məsələ ilə bağlı müzakirələr ilkin xarakter daşıyacaq və yekun qiymətləndirməni Müdafiə Nazirliyi aparacaq.

Tajani əlavə edib ki, İtaliya yalnız BMT-nin himayəsi altında və Kiyev ilə Moskva arasında atəşkəs əldə edildikdən və tam atəşkəs əldə edildikdən sonra Ukraynada sülhməramlı missiyada iştirak etməyə razılaşa bilər.

Samir