ABŞ-ın vitse-prezidenti Cey Di Vens dəfələrlə Avropa siyasətini və xüsusən də Almaniya siyasətini tənqid edib. Münhen Təhlükəsizlik Konfransında o, (dolayı yolla da olsa) AfD üçün “firewall”ın sona çatmasını tələb edib. Bu yaxınlarda o, qeyri-qanuni immiqrasiya ilə "Almaniya özünü məhv edir" deyib.

Avropa niyə Vens üçün bu qədər vacibdir? 

HİT.az xəbər verir ki, "Bild"in baş redaktoru bu barədə "Wall Street Journal"ın müxbiri, Donald Trampın siyasəti üzrə ekspert Bojan Pançevski ilə danışıb. Pançevski Münhen konfransından bir gün əvvəl Vensdan müsahibə alıb.

“Mən onun adamları ilə, müşavirləri ilə - media müşavirləri ilə, həm də milli təhlükəsizlik müşavirləri ilə uzun söhbət etdim. Dedilər ki, Avropa onlar üçün çox önəmlidir. Burada, belə demək mümkünsə, Amerika mədəniyyətinin mənşəyi var. Onlar özlərini Avropa ilə vahid mədəni bütövlükdə görürlər", deyə Pançevski bildirib.

WSJ müxbirinin öyrəndiyi kimi, Tramp administrasiyası Qərbi və onun mədəniyyətini dünyanın digər yerlərindən kütləvi immiqrasiya ilə təhdid etdiyini düşünür:

“Onlar öz arqumentlərini sırf rəqəmlər üzərində qururlar. Həmişə rəqəmlər verirlər - Almaniyaya nə qədər qaçqın gəlib, Almaniyada əcnəbilərin faizi nə qədər yüksəkdir. Və təbii ki, bu rəqəmlər böyükdür. Dedikləri havadan deyil. Bunun da həqiqətlə əlaqəsi var. Hesab edirəm ki, Almaniyada ibtidai məktəb şagirdlərinin 45%-dən çoxu alman dilini ana dili kimi bilmir. Bəzi statistikalar var ki, amerikalı üçün olduqca təəccüblüdür”.

Almaniya Aİ-nin ən böyük ölkəsi və iqtisadiyyatı olaraq, Vensı digərlərindən daha çox narahat edir:

“Əgər onların anlayışına görə, Almaniya itirilsə, Avropa da itiriləcək, çünki artıq nə iqtisadi, nə də mədəni baxımdan lider güc olmayacaq”.

Samir