Dünyanın ən böyük nüvə sualtı qayığı TK-208 "Dmitri Donski" Leninqrad vilayətindəki muzeyin eksponatına çevriləcək. 

HİT.az xəbər verir ki, bu barədə Rusiya propaqanda KİV-i Ümumrusiya Donanmasına Dəstək Hərəkatının rəhbəri Vladimir Maltsevə istinadən məlumat yayıb.

"Çox vaxtında qərar verildi. Qayıq muzey eksponatına çevriləcək. Bu, təkcə müasirlərimiz üçün deyil, həm də gələcək nəsillər üçün vacibdir", deyə o qeyd edib.

TK-208 "Dmitri Donski" Sovet və Rusiya strateji nüvə sualtı qayığıdır. Bu, "Project 941"in altı gəmisindən birincisidir.

"Dmitri Donski" 29 sentyabr 1980-ci ildə buraxılıb və 29 dekabr 1981-ci ildə Hərbi Dəniz Qüvvələrinə daxil olub. 6 fevral 2023-cü ildə gəmi donanmadan çıxarılıb.

Sualtı qayığın uzunluğu 172 m, gövdənin eni isə 23,3 m-dir. Bir vaxtlar, daha kiçik "Project 955 Borei" sualtı qayıqları üçün nəzərdə tutulmuş Bulava raket sisteminin sınaqdan keçirilməsi üçün dəyişdirilib.

Samir