Ümumdünya Səhiyyə Təşkilatı (ÜST) hazırda gənclərin yaş həddinə yenidən baxmır və ümumiyyətlə standartlaşdırılmış yaş qruplarının tərifi yoxdur.

HİT.az xəbər verir ki, bu barədə “Kommersant” qəzetinə təşkilatın Cenevrədəki baş ofisi məlumat verib.

Ümumdünya Səhiyyə Təşkilatı, təşkilatın gənclər üçün yaş məhdudiyyətini 18-44 yaş arasında dəyişdirməsi ilə bağlı xəbərləri təkzib edib.

"ÜST-də standartlaşdırılmış, təşkilati miqyasda yaş qrupları yoxdur. Sağlamlıq məlumatlarını qeyd etmək və hesabat vermək üçün istifadə edilən yaş qrupları regiona və hətta ölkəyə görə geniş şəkildə fərqlənə bilər. Bu qruplar xəstələnmə, ölüm və sağlamlıq riskləri nümunələri, həmçinin xəstəliklərin qarşısının alınması və müdaxilə imkanları ilə müəyyən edilir", deyə təşkilat şərh edib.

ÜST-nin şərhi hökumət və vətəndaş cəmiyyəti arasında Rusiyada gənclər üçün yaş həddinin dəyişdirilməsi ilə bağlı müzakirələr fonunda verilib. Gənclər üçün yaş həddinin 5 yaşa (40 yaşa qədər) artırılması fikrini Rusiyanın “Birincilər Hərəkatı” uşaq və gənclər hərəkatının idarə heyətinin sədri Artur Orlov ifadə edib. Eyni zamanda Rusiya Səhiyyə Nazirliyinin rəhbəri Mixail Muraşko da bu fikri dəstəkləyib.

Nəşr onu da qeyd edir ki, sorğuda iştirak edən ekspertlər ictimai xadimlərin və Səhiyyə Nazirliyinin Rusiyada 35 yaşdan yuxarı insanların özlərini gənc hiss etdikləri barədə qənaətlərini təsdiqləyir.

Samir