"Avropa İttifaqı Ukraynadan qaçqınları qəbul etdiyinə görə əvvəlcə Polşaya pul ödəməli, sonra isə miqrasiya paktı tətbiq etməlidir". 

HİT.az xəbər verir ki, bunu hakim koalisiyadan Polşa prezidentliyinə namizəd, Varşava meri Rafal Trşaskovski deyib.

O xatırladıb ki, Polşa artıq milyonlarla ukraynalı qaçqını qəbul edib, ona görə də Aİ ona hər hansı miqrasiya paktı tətbiq edə bilməz.

Trşaskovskinin sözlərinə görə, Avropa Komissiyası Polşaya digər qaçqınları qəbul etməkdən imtina etdiyinə görə hər hansı maliyyə cəzası tətbiq etməyə çalışarsa, Varşava dərhal açıq şəkildə bəyan edəcək ki, Aİ bütün qəbul edilən ukraynalılara görə respublikaya pul ödəməlidir.

Siyasətçi söz verib ki, o, Polşanın prezidenti seçilərsə, ölkənin Aİ-nin kvotaları üzrə miqrantları qəbul etməyəcəyinə zəmanət verəcək.

Aİ sənədi "həmrəylik sistemi" təklif edir: miqrantları qəbul etməkdən imtina edən dövlətlərdən imtina edilən hər bir miqrant üçün 20.000 avro ödəməsi tələb olunur. Fevralda Polşanın baş naziri Donald Tusk bu yanaşmanı rədd edərək, bunu "Ukrayna qaçqın böhranı kontekstində ədalətsiz" adlandırıb.

Samir