Qrenlandiyanın altı Almaniya boyda ərazisinin qalın buz qatının altında böyük faydalı qazıntı ehtiyatları gizlənir - qızıl və yaqutdan tutmuş yüksək texnologiyalar və yaşıl enerji üçün vacib olan nadir torpaq metallarına qədər.

HİT.az xəbər verir ki, almaniyalı politoloq, Nuuk Universitetinin əməkdaşı Ebbe Folkvardsenin sözlərinə görə, nadir torpaq elementlərinin ehtiyatına görə Qrenlandiya dünyada Çindən sonra ikinci yerdə qərarlaşır.

Bu ehtiyatların çıxarılmasının əsas maneəsi infrastruktur çatışmazlığıdır. Sərt iqlim səbəbindən Qrenlandiyada demək olar ki, yollar yoxdur: hətta paytaxtda belə on kilometrdən artıq məsafəni qət etmək mümkün deyil.

"Mədən hasilatı burada çox bahalıdır, əvvəlcə yollar və limanlar tikilməlidir. Hazırda yalnız yaqut, sapfir və alüminium istehsalında istifadə olunan anortozit çıxarılır", deyə Folkvardsen "BILD" nəşrinə açıqlamasında bildirib.

İqlim dəyişikliyi və buzlaqların əriməsi bölgəni daha əlçatan edir, bu da ABŞ-ın marağını artırır. Donald Tramp artıq Qrenlandiya ilə bağlı geosiyasi və xammal üstünlüklərindən istifadə etməyi planlaşdırdığını açıqlayıb.

Folkvardsenin sözlərinə görə, Qrenlandiya resursların işlənməsində maraqlıdır, lakin bunu təkbaşına bacara bilmir – xarici investisiyalara və təcrübəyə ehtiyacı var.

Lakin bunun mənfi tərəfi də var – ekoloji risklər. Daha əvvəl Avstraliyanın bir şirkəti Qrenlandiyadakı yataqlarda araşdırma apararkən uranın atmosferə qarışma təhlükəsini aşkar edib və layihəni təcili dayandırmalı olub.

Samir