Ukrayna Rusiyaya təslim olmaq və eyni zamanda Kiyev və Vaşinqton arasında resurslarla bağlı razılaşmaya dair danışıqlar fonunda iqtisadi müstəqilliyini itirmək istəmir. 

HİT.az xəbər verir ki, Amerikanın “The Wall Street Journal” qəzeti Ukraynanın münaqişəni həll etmək planlarını belə təsvir edib.

“Ukrayna Rusiyaya təslim olmadan və ABŞ-ın xeyrinə öz iqtisadi müstəqilliyindən imtina etmədən müharibəni bitirmək istəyir”, deyə nəşr yazır.

Qeyd olunur ki, Rusiya da öz növbəsində Ukraynada hökmranlıq etmək və onun Qərblə inteqrasiyasına mane olmaq istəyir.

WSJ-nin məlumatına görə, Ukrayna Ağ Evin təklif etdiyi və dövlətin resursları üzərində əhəmiyyətli nəzarəti təhvil verəcək nəhəng iqtisadi sazişi imzalamağa “həvəsli deyil”. Qəzet yazır ki, Kiyev faydalı qazıntı müqaviləsi üzrə öhdəlikləri açıq şəkildə qəbul etməklə, şərtləri yaxşılaşdırmaq üçün vaxt qazanmağa çalışır.

Martın 28-də Ukraynanın iqtisadiyyat naziri Yuliya Svırıdenko təsdiqləyib ki, Kiyev nadir torpaq ehtiyatları ilə bağlı ABŞ-la saziş layihəsi alıb.

Radanın deputatı Yaroslav Jeleznyak bəyan edib ki, Ukrayna ilə ABŞ arasında saziş layihəsi neft və qaz da daxil olmaqla bütün mineral ehtiyatlara təsir edəcək. Onun sözlərinə görə, Kiyev və Vaşinqton arasında saziş həm yeni, həm də artıq işlənməkdə olan bütün mineral ehtiyatlara aiddir.

Samir