ABŞ-nin Nyu-Cersi ştatında 44 yaşlı müəllim Allison Havemann-Nidrax 15 yaşlı səkkizinci sinif şagirdinə cinsi təcavüz etməkdə ittiham edilib. 

HİT.az bu barədə "New York Post"a istinadən xəbər verir.

Müəllim ilə yeniyetmə arasındakı əlaqə məktəbdə başlayıb. Həmkarkarı qadının şagirdin boynunu sığallaması və ona yaxınlaşmaq istəməsini fərq ediblər.

Şagird isə dostları ilə söhbətində evli müəllimlə "gizli əlaqəsi" olduğunu iddia edib. Lakin polislə danışıqda əvvəlcə bunu inkar edib və müəllimin qızı ilə görüşdüyünü söyləyib. Havemann-Nidraxın ona cinsi yaxınlaşma etmədiyini bildirib.

Daha sonra məlum olub ki, müəllim gənc oğlana 25 mindən çox mesaj göndərib və təcavüz edib.

Havemann-Nidrax cinsi zorakılıq, uşağın təhlükəyə atılması və digər cinayətlər ittihamı qoyulub. Hazırda o, ev həbsindədir.

Məlumata görə, ittiham olunan qadının iki övladı var. O, bu məktəbdə 2022-ci ilin martından işləyir.

Samir