Macarıstan Beynəlxalq Cinayət Məhkəməsindən (ICC) çıxacaq.
Hit.az xəbər verir ki, bunu Macarıstanın baş nazirinin administrasiyasının rəhbəri Qergeli Qulyas bildirib.
Müvafiq qərarı Macarıstan hökuməti qəbul edib. Qulyasın sözlərinə görə, Macarıstan konstitusiyasına və beynəlxalq hüquqi bazaya uyğun olaraq səlahiyyətlərə xitam verilməsi proseduru aprelin 3-də Nazirlər Kabineti tərəfindən başlayacaq.
Aprelin 3-də İsrailin baş naziri Benyamin Netanyahunun İCC-nin orderinə baxmayaraq, Macarıstana gəldiyi məlum olub. 21 noyabr 2024-cü ildə məhkəmə siyasətçi haqqında həbs qərarı çıxarıb.
Macarıstanın baş naziri Viktor Orban ötən ilin noyabrında demişdi ki, o, Netanyahunu ölkəyə dəvət etmək və ICC qərarının öz ərazisində icra olunmamasını təmin etmək niyyətindədir.
Qulyas həmçinin bildirib ki, Macarıstan İCC-nin nizamnaməsini ratifikasiya etməyib, ona görə də İsrailin baş naziri həbs olunmaqdan qorxmadan ölkəyə səfər edə bilər.
Samir
