İtaliyanın baş naziri Corcia Meloni hökuməti Ukraynaya qoşun yeritməkdə davam edən fikir ayrılıqlarına görə dağılma riski ilə üzləşib.

Hit.az xəbər verir ki, bu barədə “Politico” yazır.

Liqa ilə Forward İtaliya partiyaları arasında Ukrayna məsələsi ilə bağlı mübahisə yaranıb. Hər ikisi hakim koalisiyanın bir hissəsidir. 

Birinci partiyanın lideri Matteo Salvini Aİ qoşunlarının Ukraynaya göndərilməsinin əleyhinədir, ikinci partiyanın lideri Antonio Tajani isə əksinə, Avropa İttifaqının təşəbbüslərinin dəstəklənməsinin tərəfdarıdır.

Qəzet yazır: "Meloninin hökuməti İtaliya standartlarına görə qeyri-adi dərəcədə sabit olsa da, o, Salvini ilə Aİ yönümlü Tajani arasında sparrinqə nəzarət etməli olub".

Müəlliflər qeyd edirlər ki, hökumətdəki qeyri-sabitliyə görə baş nazir Meloni xarici siyasət ritorikasına düzəliş etmək məcburiyyətindədir.

Bundan əvvəl Meloni Kiyevə NATO müqaviləsinin 5-ci maddəsi çərçivəsində kollektiv müdafiənin verilməsini təklif etmişdi. O, Avropa sülhməramlılarının Ukraynaya göndərilməsini çətin, riskli və səmərəsiz addım adlandırıb.

Samir