Hindistanın qərbində gecə vəhşi yırtıcı heyvanın evlərdən birinə girməsi bütün ərazini qarışdırıb.

Hit.az xəbər verir ki, bu barədə “The Times of India” məlumat yayıb.

Hadisə aprelin 1-də Qucarat ştatının Amreli şəhəri ətrafında baş verib. Ev sahibinin sözlərinə görə, mətbəxdən qəribə səslər gəlməyə başlayanda bütün ailə artıq yatmışdı. Əvvəlcə elə biliblər ki, evə pişik girib. Ev sahibi hər şeyin qaydasında olub-olmadığını yoxlamaq üçün mətbəxə gedəndə görüb ki, divarla dam arasındakı boşluqdan gənc aslanın başı çıxıb. Kişi həyəcanla qışqırıb ki, bu da qohumlarını və qonşularını qorxuya salıb. Onlar yerli meşə təsərrüfatı idarəsinə zəng vurublar və sonra heyvanı qorxutmaq üçün yüngül oddan istifadə ediblər ki, binaya girməyə çalışmasın.

Tezliklə hadisə yerinə gələn meşə mühafizəçiləri aslanı zərərsizləşdirərək təhlükəsiz yerə aparıblar.

Nəşr qeyd edir ki, kənd sakinləri meşəyə yaxın olduqları üçün vəhşi heyvanlara öyrəşiblər, lakin bu dəfə aslanın evin ərazisinə daxil olması sürpriz olub - əraziyə çatmaq üçün o, dörd metrə yaxın daş divarın üstündən çıxıb.

Yerli məmurlar aslanın kəndin yaxınlığında yaşayan altı heyvandan ibarər ailəyə aid olduğunu izah ediblər. Heyvanların insanlara çox nadir hallarda baş çəkdiyini və əsasən evdən çıxan mal-qara ilə qidalandığını vurğulayıblar.

Samir

Lion’s midnight trip into their kitchen startles #Gujarat's #Amreli villagers

Read more ? //t.co/BOqbwN41mJ pic.twitter.com/J2jq5oU4zH

— The Times Of India (@timesofindia) April 3, 2025