ABŞ NATO-dan çıxmayacaq.

Hit.az xəbər verir ki, bunu ABŞ-ın dövlət katibi Marko Rubio bildirib.

Onun sözlərinə görə, prezident Donald Tramp ABŞ-ın alyansa qarşı olmadığını, lakin onun üzvlərinin müqavilənin şərtlərinə əməl etmələrini istədiyini açıq şəkildə bildirib.

Öz növbəsində, NATO-nun baş katibi Mark Rutte Brüsseldə keçirdiyi mətbuat konfransında bəyan edib ki, ABŞ Çinlə mümkün hərbi münaqişəyə hazırlıq kontekstində belə öz qoşunlarını Avropadan çıxarmaq imkanını nəzərdən keçirmir.

Pentaqonun bütün diqqətini Çinlə mümkün böyük münaqişəyə hazırlığa yönəltmək planları barədə suala cavabında Rutte vurğulayıb ki, ABŞ NATO-da iştiraka tam sadiqdir.

Bundan əvvəl Rutte Trampın Ukrayna münaqişəsinin həlli ilə bağlı təşəbbüslərini dəstəkləyib. Xüsusilə, o, Rusiya Federasiyası və Ukraynada enerji infrastrukturu obyektlərində müvəqqəti atəşkəs və Qara dənizdə atəşkəs təklifi kimi təklifləri diqqətə çatdırıb.

Samir