"Verivox" portalının sifarişi ilə keçirilən son sorğuya əsasən, almanların yarıdan çoxu nüvə enerjisinə qayıtmağın tərəfdarıdır. 

HİT.az xəbər verir ki, bu fikri respondentlərin 55%-i dəstəkləyib, 36%-i əleyhinə olub, daha 9%-i cavab verməkdə çətinlik çəkib. Üstəlik, kişilər qadınlardan əhəmiyyətli dərəcədə daha çox lehinə olub.

Almaniya son üç reaktorun nəhayət bağlandığı 2023-cü ilin aprel ayının ortalarında nüvə enerjisindən imtina edib. Federal hökumət daha əvvəl Rusiyanın Ukraynaya müdaxiləsindən sonra yaranan enerji böhranı səbəbindən AES-i daha bir neçə ay işlək vəziyyətdə saxlamaq qərarına gəlmişdi.

Başlanğıcda plan 31 dekabr 2022-ci ilə qədər nüvə enerjisindən tamamilə imtina etmək idi. Nüvə enerjisindən tədricən çıxma 2011-ci ildə Fukusima qəzasından sonra kansler Angela Merkelin (CDU) rəhbərliyindəki o vaxtkı hökumət tərəfindən qəbul edilib.

23 fevral 2025-ci il tarixində keçiriləcək seçkilər üçün seçki proqramına əsasən, CDU/CSU bu yaxınlarda fəaliyyətini dayandırmış atom elektrik stansiyalarının yenidən işə salınması imkanlarını nəzərdən keçirmək istəyir.

Samir