Almaniya Daxili İşlər Nazirliyi hesab edir ki, məktəblilər "böhranlara və hərbi əməliyyatlara" hazır olmalıdırlar.

HİT.az xəbər verir ki, bu barədə yerli "Handelsblatt" qəzeti nazirliyin sözçüsünə istinadən yazır. 

Belə bir hazırlıq üçün konkret nələrin olacağı dəqiqləşdirilməyib. Daxili İşlər Nazirliyi bildirir ki, Almaniyanın federal əyalətləri məktəblərdə “təhsilin məzmunu”nu ayrıca müəyyən edir. Bununla belə, federal hökumət Mülki Mühafizə və Fəlakətlərin nəticələrinin aradan qaldırılması üzrə Federal İdarə ilə birlikdə “gənclər və müəllimlər üçün materiallarla” kömək etməyə hazırdır. 

"Təhlükəsizlik vəziyyətində baş verən son dəyişikliklər fonunda, hətta məktəb təhsilində mülki müdafiəyə daha çox diqqət yetirilməlidir", deyə Daxili İşlər Nazirliyinin sözçüsü bildirib.

Nazirlik həmçinin Aİ ölkələri üçün vətəndaşların ən azı üç gün ərzində su, ərzaq və digər zəruri mallar ehtiyatı saxlamalı olduğu ümumi tövsiyələrə əməl etməyi tövsiyə edir. Tövsiyələrə içkilər (20 l), taxıl məhsulları (3,5 kq), tərəvəzlər (4 kq), meyvə və qoz-fındıq (2,5 kq), süd və süd məhsulları (2,6 kq), balıq, ət və yumurta (1,5 kq) istisna edilir.

2024-cü ilin noyabrında "Frankfurter Allgemeine Zeitung" Almaniya hakimiyyətinin Rusiya ilə genişmiqyaslı münaqişəyə hazırlığa həsr olunmuş əməliyyat planı hazırladığını bildirib. 2025-ci ilin fevralında Almaniyanın ifrat sağçı “Almaniya üçün Alternativ” partiyası ölkədə məcburi hərbi xidmətin geri qaytarılmasını təklif edib.

Samir