Beynəlxalq alimlər qrupu bu yaxınlarda kəşf edilmiş və əvvəllər Yer üçün potensial təhlükəli hesab edilən 2024 YR4 asteroidinin qeyri-adi formada olduğunu aşkar edib. 

HİT.az xəbər verir ki, bu barədə "Associated Press" (AP) məlumat yayıb.

Çilidəki Əkizlər Cənubi teleskopundan istifadə edərək astronomlar obyekti kəşf etdikdən cəmi bir ay yarım sonra fevral ayında müşahidə ediblər. Müşahidələrə görə, diametri təxminən 60 metr olan asteroid əksər asteroidlər kimi adi kartof deyil, xokkey şaybasına bənzəyən düz diskdir. Bundan əlavə, o, çox yüksək sürətlə fırlanır - hər 20 dəqiqədə bir dəfə.

"Eureka Scientific"dən araşdırma rəhbəri Brüs Bolin deyib: "Bu sürpriz oldu, çünki biz asteroidləri daha uzun və ya asimmetrik formada hesab edirik".

Asteroidin Mars və Yupiter arasındakı əsas kəmərdən yarandığı və silikatlarla zəngin olduğu güman edilir. İlin əvvəlində NASA və Avropa Kosmik Agentliyi asteroidin Yerlə toqquşma ehtimalını 3% hesablasa da, indi növbəti yüz il ərzində demək olar ki, sıfıra endirilib. Bununla belə, onun Ay ilə toqquşması ehtimalı 3,8% olaraq qalır. Bu baş versə belə, alimlər Ayın orbitinin dəyişməyəcəyini deyirlər.

Asteroid təxminən dörd ildən bir Yerə qayıdır, lakin gələn həftə o, Yerdən görünməyəcək qədər uzaqda olacaq. James Webb Kosmik Teleskopu yaxın həftələrdə əlavə müşahidələr aparacaq.

Samir