Avropa İttifaqı ticarət danışıqları uğursuz olarsa, ABŞ-a ixrac məhdudiyyətləri tətbiq etməyi düşünür. 

HİT.az xəbər verir ki, bu barədə “Bloomberg” Aİ-dəki mənbələrə istinadən məlumat yayıb.

Avropa İttifaqındakı mənbələrin bildirdiyinə görə, cavab tədbirləri çəkindirici olaraq və yalnız Aİ mallarına yeni tariflər tətbiq edən ABŞ ilə danışıqlar qənaətbəxş nəticə vermədiyi təqdirdə atılacaq.

"İxrac məhdudiyyətləri Aİ-nin nəzərdən keçirdiyi bir neçə variantdan biridir", deyə nəşr anonimlik şərti ilə danışan mənbəyə istinadən yazır.

Baxılan digər variantlara əlavə tariflər və Amerika şirkətləri üçün dövlət satınalmalarına məhdudiyyətlər daxildir. Məlumatlı mənbələrin Aİ-nin hansı xüsusi məhdudiyyətləri tətbiq edə biləcəyi və hansı sektorlara və məhsullara tətbiq edəcəyi ilə bağlı təfərrüata varmadığı aydınlaşdırılır.

"Adətən bu cür məhdudiyyətlər ölkə üçün həlledici əhəmiyyət kəsb edən və dəyişdirilməsi çətin olan mallara yönəlir", deyə jurnalistlər izah ediblər.

ABŞ prezidenti Donald Tramp Çindən başqa hamı üçün tariflərdə 90 günlük fasilə elan edib. O, buna hazır olan dövlətlərlə danışıqlara vaxt verdiyini bəyan edib. Buna cavab olaraq Aİ də ABŞ-a tariflərin tətbiqini 90 gün təxirə salmaq qərarına gəlib. Avropa Komissiyasının sədri Ursula fon der Leyen qərarın danışıqlara şans verməli olduğunu deyib.

Buna baxmayaraq, Reuters-in hesabatına görə, Aİ ABŞ-dan gələn mallara böyük əks-tariflər hazırlayır. Avropa İttifaqı ABŞ-ın polad və alüminiuma tətbiq etdiyi tariflərə cavab vermək üçün 25% rüsum tətbiq etməyi düşünür.

Samir