Yaponiya düyü qıtlığı səbəbindən 25 ildə ilk dəfə Cənubi Koreyadan düyü alıb. 

HİT.az xəbər verir ki, bu barədə "Bloomberg" agentliyi məlumat yayıb.

Onun sözlərinə görə, 1999-cu ildən bəri ilk dəfə olaraq yaponlar Cənubi Koreyada düyü istehsalçılarına üz tutmağa məcbur olublar. Ölkədə düyü qıtlığı qiymətlərin sürətlə artmağa başlamasına səbəb olub.

Cənubi Koreyanın NongHyup kənd təsərrüfatı federasiyasının Yaponiya nümayəndəliyi vasitəsilə ölkəyə iki ton düyü gətirilib, yaxın vaxtlarda daha 20 ton düyü gətiriləcək.

2025-ci ilin fevral ayında Yaponiyada düyünün orta pərakəndə satış qiyməti ötən ilin eyni dövrü ilə müqayisədə demək olar ki, 90% artıb. 5 kq düyünün orta qiyməti 3829 yen idi, halbuki bir il əvvəl onları 2000 yenaya almaq olardı.

Samir