Malayziyada bir tələbə bank hesabı açmaq istəyib və doqquz yaşından bəri ölkənin bütün banklarının qara siyahısına düşdüyünü öyrənib.

HİT.az bu barədə "World of Buzz" portaləna istinadən xəbər verir.

Zou Deli bildirib ki, təhsil krediti almaq üçün bank hesabı açmağa çalışarkən gözlənilməz problemlə üzləşib. İki fərqli bank onun adının 2016-cı ildə "bağlama pozuntusu"na görə qara siyahıya düşdüyünü əsas gətirərək ondan imtina edib. Paradoks odur ki, həmin vaxt ərzində gəncin cəmi doqquz yaşı olub.

İlkin rəddlərdən sonra o, Penangdakı "Bank Negara Malaysia"ya müraciət edib. Mərkəzi Kredit İnformasiya Sistemi vasitəsilə aparılan yoxlama onun kredit tarixçəsində heç bir qanun pozuntusu aşkar etməyib. Lakin yenidən hesab açmaq istəyəndə vəziyyət təkrarlanıb - bank müştərinin qara siyahıya düşdüyünü və ölkənin heç bir maliyyə qurumunda hesab əldə edə bilməyəcəyini təsdiqləyib.

Baş verənlərdən çaş-baş qalan Zou polisə şikayət edib. Penang Ali Məhkəməsindəki sorğu da daxil olmaqla əlavə yoxlamalar da onun maliyyə tarixində heç bir şübhəli qeyd tapmayıb. Bununla belə, problem həll olunmamış qalıb.

Mütəxəssislər qeyd edirlər ki, "bağlama pozuntusu" termini adətən çirkli pulların yuyulması və ya terrorizmin maliyyələşdirilməsi kimi ciddi maliyyə pozuntularına tətbiq edilir. Penang İctimai Şikayətlər Bürosunun nümayəndəsi doqquz yaşlı bir uşağın bu cür cinayətlərə necə bağlı ola biləcəyinə dair çaşqınlıq ifadə edib.

Delinin valideynləri bildiriblər ki, onların özlərinin təmiz kredit tarixçələri var və heç vaxt qanunsuz fəaliyyətlə məşğul olmayıblar. Tələbənin atası vurğulayıb ki, əgər ailə həqiqətən hər hansı qanun pozuntusuna yol versəydi, çətin ki, ictimaiyyət qarşısında kömək istəsinlər. Zounun ailəsi indi işin rəsmi araşdırılmasını tələb edirlər.

Samir