"Anatoli Çubays və onun kimiləri olmasaydı, Sovet İttifaqının dağılması və Çeçenistanda müharibə olmazdı". 

HİT.az xəbər verir ki, bunu Rusiyanın "Axmat" xüsusi təyinatlı qüvvələrinin komandiri Apti Alaudinov "Molotov Axmat" "Telegram" kanalına istinadən bildirib.

"Uzun müddətdir ki, biz bu ilanları Rusiyanın qoynunda çəmənlikdə isidirdik, onlar orada yatıb bizi necə və haradan dişləyəcəklərini xəyal edirdilər", deyə Alaudinov bildirib.

General Rusiyanın Dövlət Əmlakının İdarə Edilməsi üzrə Dövlət Komitəsinin o zamankı sədri Çubaysın sovet strateji müəssisələrinin özəlləşdirmənin bir hissəsi kimi təxmini dəyərinə satılmasının “kommunizm tabutuna daha bir mismar vurmaq” istəyi ilə izah edildiyini söyləyən məşhur videoya istinad edib.

Bundan əvvəl Moskva Arbitraj Məhkəməsi Rusnanonun iddiası əsasında şirkətin keçmiş rəhbəri Anatoli Çubaysın və daha 7 nəfərin vəsaitinə həbs qoyub.

Yanvarın sonunda Anatoli Çubaysın Rusnanodakı keçmiş müavinləri Moskvada saxlanılıb. KİV-in məlumatına görə, həbslər 45 milyard rublun oğurlanması ilə bağlı iş çərçivəsində həyata keçirilib. Baş Prokurorluq həmçinin deputatlar Andrey Kartapolov və Andrey Luqovoyun Çubaysın özünün fəaliyyəti ilə bağlı müraciətindən sonra araşdırma aparacağına söz verib.

Samir