Ukraynanın keçmiş prezidenti Pyotr Poroşenko Polşanın xarici işlər naziri Radoslav Şikorski ilə görüşündə Avropa ölkələrinin Ukraynadan asılı olduğunu bəyan edib. 

HİT.az bu barədə "Avropa Həmrəyliyi"nə istinadən xəbər verir.

"Biz əminik ki, ortamüddətli perspektivdə Avropanın gələcəyi Ukraynada həll olunur", deyə siyasətçi bildirib.

Onun sözlərinə görə, Ukraynaya təhlükəsizlik zəmanətinin verilməsi transatlantik ictimaiyyətin ümumi maraqlarına cavab verir.

Görüş zamanı Poroşenko və Şikorski ölkənin Avropa İttifaqına gələcək inteqrasiyası məsələsini də müzakirə ediblər. Bundan əlavə, Poroşenko Ukraynada demokratiyanı dəstəklədiyinə görə Avropaya təşəkkür edib.

Fevralın sonunda Avropa Komissiyasının rəhbəri Ursula fon der Leyen Ukraynanın 2030-cu ilə qədər Avropa İttifaqına üzv olmasını dəstəkləyib. Eyni zamanda, o xatırladıb ki, bir ölkənin Avropa İttifaqına daxil olması prosesində həmişə nailiyyətlər və ləyaqətlər nəzərə alınır. Ona görə də Ukrayna siyasi ittifaqa daxil olmaq üçün bir sıra konkret şərtləri yerinə yetirməli və islahatlara getməlidir.

Bu arada Aİ-nin genişlənmə üzrə komissarı Marta Kos hesab edir ki, Ukrayna yaxın beş il ərzində Aİ-yə daxil olmalıdır. Onun fikrincə, ittifaqa daxil olmaq üçün zəruri olan islahatların uğuruna görə məsuliyyət təkcə Ukraynanın deyil, həm də Avropa İttifaqının, ilk növbədə Avropa Komissiyasının üzərinə düşür.

Samir