Aprelin 23-də Londonda keçirilən danışıqlarda Ukrayna nümayəndələri ABŞ nümayəndə heyətinə sülh planı ilə bağlı bir sıra tələblərini təqdim ediblər. 

HİT.az xəbər verir ki, bu barədə "The Telegraph" qəzeti yazıb.

Bildirilir ki, Kiyev ümumilikdə 5 tələb irəli sürüb ki, onlardan əsas tələb işğal olunmuş Krımın rəsmi olaraq Rusiya kimi tanınmamasıdır.

"Krım əsas büdrəmədir. Orada Rusiyanın nəzarətinin tanınması beynəlxalq hüququn mərkəzi prinsipini - heç bir ölkənin başqasının ərazisini ilhaq edə bilməyəcəyini - pozar və ərazinin yalnız referendum yolu ilə geri qaytarıla biləcəyini bildirən Ukrayna konstitusiyasını pozar", deyə məqalədə qeyd edilir.

Vurğulanır ki, Ukrayna öz tələblərini irəli sürməklə Rusiyanı Krım və ya digər işğal olunmuş ərazilər üzərində suverenliyinin hər hansı rəsmi beynəlxalq tanınmasından faktiki olaraq məhrum etməyə ümid edir.

Ukraynanın tələblərinin birinci və ikinci bəndlərində Çinin Tayvanı mümkün işğalı ilə bağlı xüsusi xəbərdarlıqla hər hansı sülh sazişinin "təslimiyyətə deyil, beynəlxalq hüquqa əsaslanaraq" formalaşdırılmasına diqqət yetirilir. “The Telegraph” yazır ki, onlar həmçinin Ukraynanın ərazisini müvəqqəti də olsa Rusiyaya verməsini nəzərdə tutan istənilən perspektiv sülh sazişinin qiyməti kimi aydın “təhlükəsizlik zəmanətlərinin” vacibliyini vurğulayırlar.

Üçüncü bənddə deyilir ki, Ukrayna “sülh prosesinin mərkəzinə” qayıtmalıdır. Dördüncü bənddə ABŞ və NATO xəbərdarlıq edir ki, Rusiya Krım üzərində nəzarəti saxlamaqla təkcə Ukraynanı deyil, digər Qara dəniz ölkələrini - Türkiyə, Rumıniya və Bolqarıstanı da hücumla hədələyə biləcək.

Nəşr əlavə edib ki, beşinci və son məqam açıq şəkildə göstərir ki, Rusiyaya Ukraynanın silahlı qüvvələrinin və ya müdafiə-sənaye bazasının həcmini məhdudlaşdırmaq üçün razılaşmadan istifadə etməyə icazə verilə bilməz.

Samir