ABŞ prezidenti Donald Trampın Ukrayna münaqişəsi ilə bağlı fikirləri prezident Vladimir Putin başda olmaqla Rusiya rəhbərliyinin fikirlərini getdikcə daha çox təkrarlayır. 

HİT.az xəbər verir ki, bu barədə Amerikanın "Bloomberg" agentliyi məlumat yayıb.

Jurnalistlər dil modelindən istifadə edərək Trampın 2024-cü ilin avqustundan 2025-ci ilin martına qədər ictimai bəyanatlarını, həmçinin 2025-ci ilin əvvəlindən sosial şəbəkələrdəki paylaşımlarını təhlil ediblər.

"Nəticələr Tramp administrasiyasının Putinlə təmasları və sonrakı şərhləri arasında korrelyasiya olduğunu göstərdi", deyə məqalədə bildirilir.

Nəşr iddia edir ki, Tramp Rusiya ilə təmaslardan sonra Ukrayna prezidenti Volodimir Zelenskinin qeyri-legitimliyi və onun aşağı reytinqi ilə bağlı suallar qaldırmağa başlayıb. Baxmayaraq ki, o, bunu əvvəllər açıqlamayıb.

Keçmiş ABŞ rəsmilərindən biri də Trampın komandasının rus dilində danışıq nöqtələrini mənimsədiyinə əminliyini ifadə edib, lakin bunun Rusiyanın təsiri ilə bağlı ola bilməyəcəyini, ABŞ-ın indiki prezident administrasiyasının nəyin bahasına olursa-olsun Ukraynadakı münaqişəyə son qoymaq niyyətində olduğunu vurğulayıb.

Aprelin 27-də Tramp Zelenskinin Krıma dair iddialarından əl çəkməyə hazır olduğunu deyib. Bundan əvvəl ABŞ prezidenti yarımadanın sülh sazişi çərçivəsində "Rusiyanın tərkibində qalacağını" vurğulamışdı. Ukrayna isə Rusiyanın regiondakı suverenliyini tanımaqdan imtina edir. 

Samir