Birləşmiş Ştatlar prezident Donald Trampın doğum gününü qeyd etmək üçün 6600-dən çox əsgər, yüzlərlə maşın, 7 ordu qrupu və bir neçə min mülki şəxsin iştirak edə biləcəyi hərbi parad planlaşdırır. 

HİT.az xəbər verir ki, bu barədə "Associated Press" (AP) agentliyi ABŞ ordusunun belə planlardan bəhs edən müvafiq sənədlərinə istinadən məlumat yayıb.

AP-nin məlumatına görə, tədbir iyunun 14-nə planlaşdırılıb və ABŞ Silahlı Qüvvələrinin 250 illik yubileyinə təsadüf edəcək. Agentlik qeyd edir ki, bu yubiley Trampın 79-cu doğum gününə təsadüf edir.

AP-nin məlumatına görə, parad Vaşinqtonda Milli Mall-da keçirilə və festivalın bir hissəsinə çevrilə bilər.

Bundan əvvəl Tramp ABŞ-dakı Ordu, Hərbi Hava Qüvvələri, Dəniz və Sahil Mühafizəsi akademiyalarının nəzərdən keçirmə şuralarının bütün üzvlərinin istefaya göndəriləcəyini açıqlamışdı. Prezident Amerika hərbi akademiyalarının “son dörd il ərzində solçu ideoloqların təsiri altına düşdüyü” üçün bu qərarı verdiyini bildirib. O, həmçinin bildirib ki, Birləşmiş Ştatlar "tarixin ən güclü ordusuna sahib olacaq".

Samir