Pakistan nüfuzlu beynəlxalq qurum tərəfindən həyata keçirilə biləcək Kəşmirdəki silahlı hücumla bağlı qərəzsiz araşdırma aparmaqda qərarlıdır. 

HİT.az xəbər verir ki, bu barədə İslam Respublikasının informasiya naziri Attaullah Tarar bildirib.

"Pakistan bu məsələ ilə bağlı şəffaf, qərəzsiz araşdırma aparmaq niyyətini çox açıq şəkildə ifadə edib", deyə nazir bildirib.

Aprelin 22-də Hindistanın şimalındakı Cammu və Kəşmir bölgəsində dinc sakinlərə silahlı hücum olub. Baysaran vadisində cığırla çıxan turistlərə silahlılar avtomat silahlardan atəş açıb. Hindustan Times xəbər verir ki, Hindistan kəşfiyyatı Pakistanın hücumda iştirakına dair sübutlar əldə edib.

Aprelin 30-da Pakistanın informasiya və yayım naziri Attaullah Tarar bildirib ki, Hindistan yaxın 24-36 saat ərzində İslam Respublikasına hərbi zərbə endirməyi planlaşdırır. Onun sözlərinə görə, Pakistan hakimiyyəti Hindistanın Pahalqam hadisəsindən saxta bəhanə kimi istifadə edərək hərbi zərbə endirmək niyyətində olması ilə bağlı etibarlı məlumatlara malikdir. Tarar vurğulayıb ki, Pakistan istənilən təcavüz aktına qəti cavab verəcək.

Samir