BMT baş katibinin nümayəndəsi Stefan Düjarrik BMT-nin əsas islahatı ilə bağlı təkliflərin tezliklə üzv dövlətlərə təqdim ediləcəyini açıqlayıb.

Hit.az xəbər verir ki, bu barədə RİA Novosti məlumat yayıb.

BMT-nin baş katibi Antonio Quterreş yaxın həftələrdə öz planını təqdim etməyi planlaşdırır. UN80 adlanan və mart ayında elan edilən təşəbbüs səmərəliliyi artırmaq və xərcləri azaltmaq üçün BMT-nin əməliyyatlarının hərtərəfli auditini nəzərdə tutur. İslahat ABŞ-ın BMT büdcəsinə töhfələrinin azalması və ABŞ administrasiyasının beynəlxalq humanitar proqramların maliyyələşdirilməsinə yanaşmalarına yenidən baxması nəticəsində yaranan çətin maliyyə vəziyyəti fonunda həyata keçirilir.

Düjarrik islahatların üç əsas istiqamətini vurğulayıb: mövcud resurslardan istifadənin optimallaşdırılması, müxtəlif bölmələrin mandatlarına yenidən baxılması və BMT arxitekturasına əsaslı struktur dəyişikliklərinin tətbiqi. O, təklif olunan islahatların həyata keçirilməsində üzv dövlətlərin iştirakının zəruriliyini xüsusilə qeyd edib.

"Baş katib yaxın bir neçə həftə ərzində Üzv Dövlətlərə hesabat verəcək, çünki bizim onların iştirakına ehtiyacımız olacaq", deyə Dujarrik bildirib.

Bundan əvvəl ABŞ prezidenti Donald Tramp 2026-cı maliyyə ili üçün büdcə layihəsində BMT-nin sülhməramlı əməliyyatları üçün maliyyənin dayandırılmasını təklif etmişdi.

Samir