İtaliyanın baş naziri Corcia Meloni bu yaxınlarda Kiyevdə Fransa, Almaniya, Böyük Britaniya və Polşa liderləri ilə görüşdə şəxsən iştirak etmədiyi üçün evdə tənqidlərlə üzləşib.

HİT.az xəvər verir ki, Euractiv-in məlumatına görə, keçmiş baş nazir Cüzeppe Konte onu "kənardan müşahidə etməkdə və başqalarının qərarlarını uzaqdan izləməkdə" ittiham edib.

Başqa bir keçmiş baş nazir Matteo Renzi isə daha sərt olub: "Meloninin dövründə İtaliya itirildi: biz artıq cəbhə xəttində deyilik".

Eyni zamanda, Meloni administrasiyası onun qərarını müdafiə etməyə çalışaraq, bunun siyasi seçim olduğunu israr edir.

"Baş nazirə yaxın mənbələrin bildirdiyinə görə, İtaliya sülhməramlı missiyalar istisna olmaqla, Ukraynada qoşun yerləşdirməyə daha açıq olan qruplaşmadan qəsdən uzaqlaşmaq qərarına gəlib", deyə nəşr yazır.

Meloninin komandası vurğulayıb ki, Romanın mövqeyi Ukraynanı mütləq şəkildə Alyansa qəbul etmədən, potensial olaraq NATO-nun 5-ci maddəsinin tətbiqi ilə Ukrayna üçün daha ciddi təhlükəsizlik təminatları axtarmaqdan ibarətdir.

"Meloninin köməkçiləri iddia edirlər ki, onun yoxluğu əslində Avropa birliyinin qorunmasına kömək etdi, çünki onun masada olması qoşunların yerləşdirilməsi məsələsi ortaya çıxsaydı, ictimai parçalanmaya səbəb ola bilərdi", məqalədə deyilir.

Samir