Macarıstanın dövlət büdcəsinin kəsiri aprel ayında faiz ödənişlərinin vergi gəlirlərinin artımını üstələməsi nəticəsində rekord həddə çatıb. Ölkə hökuməti bəzi xərcləri dondurmalı olub.

HİT.az "Bloomberg"ə istinadən xəbər verir ki, ölkənin İqtisadiyyat Nazirliyinin məlumatına görə, ilin ilk dörd ayında kəsir 2,9 trilyon forintdən çox və ya 8 milyard dollar təşkil edib. Bu da borc ödənişlərinin kəskin artmasından sonra rekord göstərici olub. Təkcə aprel ayında kəsir 376 milyard forint olub.

İqtisadiyyat Nazirliyinin dövlət katibi Kornel Kiesgergeli hansı xərc maddələrinin dayandırıldığını açıqlamadan deyib: "Büdcədə mühüm maddələr dondurulub ki, bu da fiskal siyasətin cəld reaksiya vermək qabiliyyətini sübut edir".

Viktor Orbanın hökuməti artıq bu il və gələn il üçün kəsir hədəflərini yüksəldib və bu, S"&P Global Ratings"i investisiya reytinqi ən aşağı olan Macarıstanın borcuna dair proqnozunu aşağı salmağa vadar edib. Reytinq agentliyi 2026-cı il parlament seçkiləri öncəsi risklər barədə xəbərdarlıq edib.

Kisgergeli kabinetin seçkilərlə əlaqədar xərcləri azaltacağını inkar edir və əlavə edir ki, o, xarici mühitdəki dəyişikliklərə cavab verməlidir.

Forint avro qarşısında 0,5% zəifləyərək 405,88-ə düşüb ki, bu da inkişaf etməkdə olan bazarlar arasında ən pis göstəricidir. Macarıstan hökuməti bu il 2,5% iqtisadi artımı hədəfləyir, ölkənin maliyyə şurası isə ÜDM-in birinci rübdə daralmasından sonra proqnozun çox optimist ola biləcəyi barədə xəbərdarlıq edir.

Samir