Hökumət Almaniya ordusunu (Bundesver) adi silahlarla Avropanın ən güclü ordusuna çevirmək üçün bütün maliyyə imkanlarından istifadə etmək niyyətindədir. 

HİT.az xəbər verir ki, bunu yeni Almaniya kansleri Fridrix Merz deyib.

Onun sözlərinə görə, Berlinin məqsədi Almaniya və Avropanı silahdan istifadə etməyə ehtiyac qalmayacaq qədər güclü etməkdir.

Eyni zamanda Merz onu da qeyd edib ki, Avropa ölkələri Ukraynada atəşkəs məsələsində irəliləyiş görməsələr, Rusiyaya qarşı sanksiyaları genişləndirəcəklər.

Almaniyanın yeni kanslerinin bildirdiyi kimi, sanksiyalar digər sahələrə də şamil edilə bilər. Məsələn, enerji sektoru və maliyyə bazarı.

Mart ayında Avropa Komissiyasının sədri Ursula fon der Leyen Avropa İttifaqını 800 milyard avro məbləğində yenidən silahlandırmaq planını təklif etdi. AK həmçinin Aİ ölkələri üçün hava hücumundan müdafiə sistemlərinin və Ukrayna üçün silahların istehsalı üçün 150 milyard avro kredit cəlb etmək niyyətindədir.

Samir