Bir yapon restoranı çinli müştərilərin kobudluqlarına görə müəssisəyə girişini qadağan etməklə mübahisələrə səbəb olub.

HT.az bu barədə "South China Morning Post"a istinadən xəbər verir.

Osaka qril restoranının qapısında Çindən gələn müştərilərə xidmət etməyəcəyinə dair bildirişin görünməsi sosial mediada geniş müzakirə obyektinə çevrilib. Notada bu qərara səbəb kimi bir çox çinli ziyarətçinin kobud davranması göstərilib.

KİV-in məlumatına görə, bu, yapon qurumları tərəfindən ilk ayrı-seçkilik halı deyil. 2023-cü ildə "Çin virusunun yayılmasının qarşısını almaq" zərurəti ilə çinli blogerin Tokio restoranına girişi qadağan edilib. Digər oxşar hadisə 2024-cü ilin iyul ayında, Tokiodakı başqa bir kafe Çin və Cənubi Koreya vətəndaşlarının müəssisəyə gəlməsinə qadağa qoyulduğunu elan edərkən qeydə alınıb.

Yaponiya qanunlarına görə, müəssisələr dilə görə müştərilərə girişi məhdudlaşdıra bilər, lakin milli və ya irqi ayrı-seçkilik ölkə konstitusiyası ilə qadağandır.

Yaponiyaya gələn çinli turistlərin sayı artdıqca, ekspertlər həm biznes, həm də səyahətçilərin özlərini daha tolerant və konstruktiv yanaşmaya çağırırlar.

Samir