Hindistanın neft və təbii qaz naziri Hardeep Sinq Puri Rusiya ilə iqtisadi əməkdaşlığın yüksək səviyyəsindən danışıb. 

HİT.az xəbər verir ki, o, Hindistanın Rusiyaya neft və qaz qazması üçün 200 min kvadratkilometr ayırmağa hazır olduğunu bildirib.

"Çöküntü hövzələri tamamilə açıqdırlar. Onlar bütün şirkətlər üçün açıqdır. Biz sadəcə olaraq tərəfdaşlıq qurmalıyıq", deyə Puri TASS-a müsahibəsində bildirib. 

Nazir iki ölkənin biznes strukturları arasında birbaşa dialoqun vacibliyini qeyd edib:

"Mən həmişə şirkətlər arasında getdikcə daha çox qarşılıqlı əlaqəni, getdikcə daha çox müzakirələri təşviq edirəm. Müzakirə başlayandan sonra nümayəndə heyətinin səfəri baş verir ki, bu da öz növbəsində maraq yaradır və yeni iştirakçıları cəlb edir".

Onun sözlərinə görə, Hindistan neft-qaz sektoru ilə yanaşı, neft-kimya sektorunda da Rusiya ilə tərəfdaşlıq yollarını axtarır.

Samir