ABŞ-ın Respublikaçı Nümayəndəsi Randi Fin Qəzzanı qeyd-şərtsiz təslim olmağa məcbur etmək üçün nüvə silahından istifadə etməyə çağırıb. 

HİT.az xəbər verir ki, konqresmen "Fox News" telekanalına müsahibəsi zamanı Yaxın Şərqdəki vəziyyətdən danışıb.

Siyasətçi jurnalistlərlə söhbəti zamanı Vaşinqtonda Yəhudi Muzeyi yaxınlığında baş verən atışma hadisəsini şərh edib. O, Fələstin məsələsinin şər olduğuna əminliyini ifadə edib.

"Qəzzada münaqişənin yeganə sonu müsəlman terrorunu dəstəkləyənlərin tam və son təslim olmasıdır", deyə Fine bildirib.

Eyni zamanda parlamentari xatırladıb ki, ABŞ II Dünya müharibəsi zamanı Almaniya və Yaponiya ilə danışıqlar aparmayıb. Əvəzində onlar Asiya ölkəsini qeyd-şərtsiz təslim olmağa məcbur etmək üçün Yaponiyanın Xiroşima və Naqasaki şəhərlərinə iki dəfə atom bombası atıblar.

"Burada da eyni şey olmalıdır. Bu mədəniyyətdə dərin, dərin səhv bir şey var və onu məğlub etmək lazımdır", deyə konqresmen əlavə edib.

Vaşinqtonda Yəhudi Muzeyində atışma mayın 21-i axşam saatlarında baş verib. Nəticədə İsrailin ABŞ-dakı səfirliyinin bir neçə əməkdaşı yaralanıb, onlardan ikisini xilas etmək mümkün olmayıb.

NBC telekanalının məlumatına görə, atışmada şübhəli bilinən şəxs həbs olunarkən Fələstin tərəfdarı şüarlar səsləndirib. 30 yaşlı Elias Rodriguez nəzarətə götürülüb və hüquq-mühafizə orqanlarının əməkdaşlarına silahı hara atdığını göstərib.

Samir