Alman texnoloji şirkəti EU-nun Rusiyaya qarşı yeni sanksiyalara baxmayaraq, iki məqsədli (dual-use) texnologiyaların ixracını həyata keçirə bilib. 

HİT.az bu barədə POLITICO-ya istinadə xəbər verir.

Məlumata görə, EU Böyük Britaniya və Amerikada fəaliyyət göstərən "Kontron" şirkəti 2023-cü ilin sonlarında özünün Sloveniyanın "Kontron d.o.o." şirkəti vasitəsilə həssas telekommunikasiya texnologiyalarını 3,5 milyon avrodan çox dəyərdə Rusiyanın "İskra Texnologis" şirkətinə göndərib.

Sənədlərə əsasən, 2023-cü ilin iyul-noyabr ayları arasında (EU sanksiyalarının qüvvəyə mindiyindən bir neçə ay sonra) Sloveniyalı şirkət Rusiya filialına 11 tədarük göndərib.

İxrac edilən texnologiyalar arasında iki məqsədli məhsullar da var. "Kontron"un nümayəndələri bildiriblər ki, onlar EU-nun Rusiyaya texnologiya ixracını məhdudlaşdıran yeni sanksiyalar qəbul edilməzdən əvvəl alınan sifarişləri yerinə yetiriblər.

Şirkətin açıqlamasında deyilir: "11-ci sanksiya paketi (23 iyun) tətbiq edildikdən sonra yeni malların ixracını dayandırdıq və yalnız EU sanksiyalarına uyğun olaraq verilmiş ixrac lisenziyaları əsasında artıq təsdiq edilmiş tədarükləri həyata keçirdik".

Nə Avropa Komissiyası, nə də Almaniyanın Mərkəzi Gömrük Xidməti Kontrona qarşı istintaqın davam etdiyini və ya ediləcəyini bildirməyib.

Qeyd edək ki, EU-nun iki məqsədli texnologiyalara aid sanksiyaları bütün yeni və mövcud müqavilələrə şamil edilir, hətta onlar sanksiyalar qüvvəyə mindən əvvəl imzalanmış olsa belə. Lakin bu sanksiyalar kibertəhlükəsizlik, xilasetmə və tibbi texnologiyalar üçün istisnalar nəzərdə tutur. Şirkətlər bu hallarda öz qərargahlarının yerləşdiyi EU ölkəsindən icazə almalıdır.

Samir