Video-bloger və səyyah, Afrikanın ən az ziyarət edilən ölkəsində vaxt keçirmənin necə olduğunu danışdı və bu təcrübəni "maraqlı" kimi təsvir edib.

HİT.az xəbər verir ki, "Daily Express" qəzetinin yazdığına görə, Afrika qitəsi nəhəngdir və hər biri unikal təcrübə və özünəməxsus mədəniyyət təklif edən 50-dən çox ölkəyə ev sahibliyi edir. Bəziləri daha çox, bəziləri isə daha az ziyarət edilir. Misir, Mərakeş, Keniya, Cənubi Afrika və Botsvana populyar istiqamətlər arasındadır. Daha az tanınanlar arasında isə Afrikanın ən az ziyarət edilən ölkəsi olan Ekvatorial Qvineya durur.

Maraqlısı budur ki, illik cəmi təxminən 6000 ziyarətçi alan bu ölkə turistlərə öyrəşməyib və bir çoxları onu hətta xəritədə belə göstərə bilmir. Lakin tanınmış səyahət video-bloggeri Kris Junde buradakı təcrübəsini "maraqlı" kimi təsvir üedib. Viruslu videoda o, ölkəni necə gəzdiyini və yerli sakinlərin tez-tez turist görəndə necə şoka düşdüyünü göstərib.

O, bunun Afrikada ispan dilinin rəsmi dil olduğu yeganə ölkə olduğunu, bunun da hərəkət etməsini xeyli asanlaşdırdığını söyləyib. Onun sözlərinə görə, buradakı mədəniyyət "unikal Mərkəzi Afrika" mədəniyyətidir və ona Konqo, Qabon və Kamerun kimi digər ölkələri xatırladıb:

"Turizm burada inkişafın ilkin mərhələsindədir. Onu ziyarət etmək çətin ola bilər, lakin eyni zamanda, orada olduğum müddətdə gördüyüm yeganə turist olmaq xoşdur".

Qeyd edilir ki, Ekvatorial Qvineya, materik hissədən və sahil vulkanik adalarından ibarət olan, paytaxtı Malabonun da bu adalardan birində yerləşdiyi, Kamerun və Qabon arasında sıxışmış kiçik bir ölkədir.

Məqalədə deyilir: "Ölkəyə nəhəng sayda turist gəlməsə də, orada ediləcək şeylər var. Xüsusilə, paytaxtda Malabo Milli Parkı yerləşir. Digər görməli yerlərə təbii gözəlliyi ilə seçilən çimərliklər, həmçinin ölkənin İspaniya müstəmləkəçiliyi dövründə inşa edildiyi ehtimal edilən kilsələr daxildir".

Maraqlısı budur ki, bu, Afrika'nın ən az ziyarət edilən ölkələrindən biri olsa da, eyni zamanda qitənin ən varlı ölkələrindəndir. Bunun səbəbi, 1990-cı illərdə inkişaf etməyə başlayan offshore neft sənayesidir. Buna görə də, əvvəlki ziyarətçilər bu kiçik Afrika ölkəsində varlı ilə yoxsul arasında kəskin bir fərq hiss etdiklərini söyləyiblər.

Ekvatorial Qvineyaya gedən vətəndaşlar üçün ölkələrin rəsmi tövsiyələri, onun ziyarət etmək üçün nisbətən təhlükəsiz olduğunu, lakin bunun həmişə təmin edilə bilməyəcəyini göstərir.

Turistlərə yalnız əvvəlcədən sifariş edilmiş taksi və transfer xidmətlərindən istifadə etmək, taksini otel və ya tur operatoru vasitəsilə sifariş etmək və heç vaxt qrupla naməlum şəxslərin olduğu taksiyə minməmək tövsiyə olunur.

Samir