Alimlər Şimali Amerikada yeni bir növ tarixöncəsi dəniz canavarı aşkar ediblər.

HİT.az bu barədə ABC News-a istinadə xəbər verir.

Paleontoloqlar 85 milyon il əvvəl müasir Şimali Amerikanın ərazisində yaşamış tamamilə yeni bir növ dəniz kərtənkələsini müəyyən ediblər. 1988-ci ildə Kanadanın Vankuver adasında tapılmış heyranedici varlığın qalıqları Traskasaura sandrae adlı yeni bir cinsin nümayəndəsi olduğu müəyyən olunub.

Bu elasmosavr – uzun boyunlu, təxminən 11 metr uzunluğunda plesiozavr növü – unikal uyğunlaşmalara malik olub: amonitlərin qabıqlarını əzə bilən ağır iti dişlər və 50-dən çox fəqərəsi olan son dərəcə uzun boyun. Alimlərin sözlərinə görə, T. sandrae ibtidai və müasir xüsusiyyətləri birləşdirirdi və plesiozavrlar arasında yuxarıdan ov tutan ilk növdür.

Araşdırmanın aparıcı müəllifi F. Robin O'Keif bu kəşfin əsl sürpriz olduğunu vurğulayıb: "Onun çox qəribə xüsusiyyət birləşməsi var, xüsusilə də bu varlığın çiyin nahiyəsi gördüyüm heç bir digər plesiozavra bənzəmir".

Kanadanın ən məşhur fosillərindən olan bu qalıqlar rəsmi olaraq Britaniya Kolumbiyası vilayətinin emblemə elan edilib. Qismən skelet yerli muzeydə sərgilənir.

Traskasaura adı ilk qalıqların tapıldığı Kortni şəhərindən, sandrae növ adı isə bu növün müəyyənləşdirilməsinə kömək etmiş tədqiqatçı Sandra Lee O'Keifi şərəfləndirir.

Samir