Hava limanlarında təhlükəsizlik nəzarəti zonası, xüsusilə tətil mövsümünün pik günlərində, səyahətçilər üçün adətən uzun növbələrlə bağlıdır. Buna görə də bu prosesi sürətləndirmək üçün çoxlu faydalı məsləhətlər mövcuddur.

HİT.az xəbər verir ki, lakin bəzən turistlər, təyyarəyə minməzdən əvvəl təhlükəsizlik skanerlərindən keçərkən problemlərin tamamilə zərərsiz şeylər səbəbindən yarana biləcəyindən xəbərsiz olurlar. Bunu öz təcrübəsində britaniyalı səyyah və jurnalist Daniyel Keyt Rou da hiss edib. Səbəb isə onun parıltılarla (strasslarla) bəzədilmiş mahud idman geyimi olub.

Daniyel özünün "Daily Express" qəzeti üçün yazdığı kolonkasında belə danışır: "Mənim üçün hava limanına getmək də tətilin özü kimi bir təcrübədir və geyimimin şirin, eyni zamanda rahat olduğuna əmin olmaq vacibdir. Buna görə də, idman geyimlərinin səyahət üçün ən yaxşı seçim olduğunu düşünürəm. Buna görə də keçən ay Mançester hava limanından Palmaya uçarkən, "Juicy Couture" markalı idman geyimimin mütləq geyilməli bir əşya olduğunu bilirdim. O, rahatlığa, gözəlliyə, üstdən və alt parçadan parıltıya bütün tələblərə cavab verir və Zillennial (iki nəsil arasında qalmış insan) kimi Y2K modasının yenidən populyarlıq qazanması mənim üçün çox şey ifadə edir. Əlbəttə, maksimum rahatlıq üçün onu Ugg botları ilə geyindim. Bəli, isti ölkəyə uçurdum, amma gecə gəldik və transferdə kondisioner var idi, ona görə də hər şey qaydasında idi".

Daniyel xatırlayır ki, əvvəlcə heç bir pis əlamət olmayıb, lakin o, təhlükəsizlik nəzarətindən keçməzdən əvvəl idman geyiminin jaketini xüsusi qaba qoyanda ilk narahatlıq əlamətləri peyda olub.

"Qablara nəzarət edən şəxs məndən soruşdu: "Şalvarlarınız da bunun kimidir?" deyərək idman geyimimin arxasındakı "Juicy" parıltılarına işarə etdi. Mən "Bəli" deyə cavab verdim və arxamı çevirdim ki, onlar özləri görsünlər. Onlar güldülər və skanerlərdən keçəndə mütləq saxlanacağımı dedilər", deyə qız qeyd edib.

Onun sözlərinə görə, skanerdən keçərkən də elə olub – şübhəli bir predmet haqqında siqnaldan sonra onu ətraflı nəzarət üçün saxlayıblar və cibində bir şey olub-olmadığını soruşdular, sonra isə ayaqqabılarını yoxlamaq üçün göndəriblər.

"Gedərkən təhlükəsizlik işçisi mənə artıq hava limanında saxlanmaq istəmirəmsə, "Juicy" idman geyimimi geyinməməyi məsləhət gördü. Etiraf etməliyəm ki, bu məsləhəti ilk dəfə eşitmirəm, amma o, çox rahat və şirindir. Düzünü desəm, hər dəfə təhlükəsizlik xidmətindən keçəndə məni saxlayıb axtarış ediblər – adətən zərgərlik məmulatlarına görə – ona görə də, elə ister-isteməz buna səbəb olduğumu düşünürəm. Amma idman geyimindəki parıltıların (strassların) metal deyil, sadəcə plastik olduğunu güman edirdim, amma kim bilir", deyə Daniyel əlavə edib.

Eyni zamanda, qız iddia edir ki, hava limanlarında bu kimi idman geyimləri ilə bağlı problem yaşayan tək o deyil – sosial şəbəkələrdə başqa bir neçə qadın da oxşar təcrübələrini bölüşüb.

Samir