Rusiya prezidenti Vladimir Putin Sankt-Peterburq İqtisadi Forumunda çıxışı zamanı çox uzun müddət ərzində Ukrayna ilə bağlı ən aqressiv fikirlərini söyləyib.

HİT.az xəbər verir ki, bu barədə "Sky News" yazıb.

Nəşrin məlumatına görə, o, ABŞ prezidenti Donald Trampın sülhməramlı səylərinə əsl münasibətini nümayiş etdirib. Belə ki, o, rusları və ukraynalıları bir xalq hesab etdiyini və bütün Ukraynanın onıara məxsus olduğunu bəyan edib. Nəşrin qeyd etdiyi kimi, bu şərhlər Kremlin son ritorikası ilə kəskin ziddiyyət təşkil etdiyi üçün sürpriz olub.

Donald Tramp sülh razılaşması üçün səy göstərməyə başlayandan bəri Moskva daha yumşaq, daha barışdırıcı ton qəbul edib - Vaşinqtona nizamlanmada maraqlı olduğunu açıq şəkildə göstərmək cəhdi. Lakin Putinin son bəyanatlarında belə ritorikadan əsər-əlamət yoxdur - tam əksi. Putin hətta aylar ərzində ilk dəfə Ukraynanı nüvə zərbəsi ilə hədələyib.

"Vladimir Putinin aydın mesajı kimi görünürdü ki, sülh danışıqlarına baxmayaraq, Rusiya nə döyüş meydanında, nə də danışıqlar masası arxasında geri çəkilmək niyyətində deyil. Məncə, bu, Moskvanın Donald Trampı əsəbləşdirməkdən o qədər də narahat olmadığını göstərir", deyə məqalənin müəllifi Ayvor Bennet yazır.

O qeyd edir ki, Tramp, görünür, münaqişədə vasitəçilik cəhdlərindən uzaqlaşıb, eyni zamanda, Moskva ilə daha isti münasibətlər axtarır. "Buna görə də Putinin şərhləri onun hər şeyin onun planı üzrə getdiyinə nə qədər əmin olduğunu göstərir", deyə jurnalist qeyd edir.

Samir