İspaniyanın Benidorm şəhəri gecə klubları ilə məşhur olsa da, ondan bir neçə dəqiqəlik məsafədə daş döşənmiş küçələri, tarixi və heyrətamiz qəlyanaltı məkanları olan sehrli bir şəhər yerləşir.

HİT.az xəbər verir ki, Benidorm turistlər arasında günəşi, aşağı qiymətləri və "gecə klubları sırası" kimi tanınan məşhur Calle Gerona küçəsi ilə məşhurdur.

Lakin "Express" qəzetinin yazdığına görə, bu şəhərdə əyləncədən əlavə, çoxlu turistlərin bəlkə də tanımadığı nəfəs kəsici yerlər də var. Əyləncə məkanlarından uzaqlaşmağın bir yolu Benidorm yaxınlığındakı kiçik qəsəbəyə getməkdir. Burada səhərə qədər davam edən səs-küylü yığıncaqlar və diskoteklər yoxdur, hətta onun gözəlliyi Mikonos adası ilə müqayisə olunur.

Nəşr orqanı qeyd edir ki, Altea adlanan bu qəsəbəyə Benidorm Intermodal-dan cəmi 18 dəqiqəlik avtomobil səyahəti və ya 12 dəqiqəlik avtobus yolculuğu ilə çatmaq olar.

Bu qəsəbəyə gələndə sanki zamanda geriyə səyahət etdiyinizi hiss edəcəksiniz. Sehrli köhnə şəhər dar daş döşənmiş küçələr və ağ badanalı evlərdən ibarətdir.

Küçələrdə gəzərkən yerli kafedənin ətirli qəhvə qoxusunu və ya qeyri-adi restoranlardan gələn yemək iylərini duyacaqsınız.

Turistləri çox vaxt "Nuestra Señora del Consuelo" və ya "Iglesia de Arriba" adlanan kilsənin gözəlliyi heyrətləndirir. Kilsənin arxasına baxdıqda isə mavi dənizi və uzun çimərliyi görəcəksiniz.

Təcrübəli turistlər Alteanı mütləq ziyarət etməyi məsləhət görür və onu "Benidormdan cəmi 15 dəqiqəlik məsafədə yerləşən gizli inci" adlandırırlar.

Turistlər qeyd ediblər ki, bu qəsəbə bütün Kosta Blanca sahilində ən möhtəşəm mənzərələrə malikdir və onu tam kəşf etmək üçün bütün bir gün kifayət edər. Həmçinin təcrübəli turistlər yerli bar və restoranları yüksək qiymətləndiriblər və ümumiyyətlə, heç kəsi bigüzar qoymayan oradakı atmosferə heyran qalıblar.

Samir