İtaliyanın paytaxtı Roma yay istirahət mövsümündə Avropanın ən çox turist qəbul edən şəhərlərindən biri sayılır. 2025-ci ildə isə şəhərdə bütün il boyunca keçirilən böyük katolik bayramı – Yubiley ili münasibətilə vəziyyətin daha da gərginləşəcəyi proqnozlaşdırılır.

HİT.az xəbər verir ki, bu səbəbdən, mütəxəssislər turistlərə daha sakit və az qala dəyəri bilinməyən alternativ istiqamətlərə üz tutmağı tövsiyə edirlər. “Daily Express” nəşrinin təqdim etdiyi siyahıya Roma əvəzinə ziyarət edilə biləcək üç İtaliya şəhəri daxildir.

1. Bari, Apuliya

Cənubdakı Apuliya bölgəsinin paytaxtı olan Bari Adriatik dənizi sahilində yerləşən əlçatan və canlı liman şəhəridir. Qədim şəhər hissəsində gəzmək, dəniz məhsullarının dadına baxmaq və yaxınlıqdakı kiçik kəndləri ziyarət etmək üçün ideal məkandır. 

2. Kataniya, Siciliya

Məşhur Etna vulkanının ətəyində yerləşən bu liman şəhəri gözəl mənzərələri və zəngin mətbəxi ilə tanınır. Kataniyada turistik təcrübəni artıran təbii gözəlliklərlə yanaşı, yerli mədəniyyət də diqqət çəkir.

3. Verona, Veneto

Florensiyaya yaxın ərazidə yerləşən Verona şəhəri “Romeo və Cülyetta”nın faciəvi sevgi hekayəsi ilə məşhurdur. Lakin bu şəhərdə görməyə və yaşamağa daha çox şey var. Tarixi mərkəzinin piyada üçün əlverişli olması, qədim cazibəsi və yerli mətbəxə məxsus təamlar təqdim edən "trattoria"ların çoxluğu Veronanı sakit, lakin mədəni zəngin bir alternativə çevirir.

Əgər siz yenə də Romanı ziyarət etmək arzusundasınızsa (və bu şəhər buna dəyər), mütəxəssislər onu turizm mövsümündən kənar vaxtlarda görməyi tövsiyə edirlər.

Samir