Donald Tramp Vladimir Putinə münasibətdə nitqini kəskin dəyişib və həmçinin rus diktatoru barədə məyus olduğunu açıq şəkildə bildirib, çünki o öz vədlərinə əməl etməyib.

HİT.az xəbər verir ki, ABŞ siyasətşünası Conatan Kristol "Bild"ə verdiyi şərhdə Trampın nitq dəyişikliyini "mühüm və gözlənilməz addım" adlandırıb. Lakin ekspert vurğulayır ki, NATO və ABŞ Ukraynaya Avropa ölkələri tərəfindən ödəniləcək genişmiqyaslı silah tədarükü barədə razılığa gəliblər.

"Trampın planlaşdırdığı silah sahəsindəki dönüşdən sonra Ukrayna cəbhəni əhəmiyyətli dərəcədə saxlaya biləcək, lakin müharibəni qazana bilməsi çətin görünür", deyə Kristol qeyd edib.

Nəşr qeyd edir ki, ABŞ mətbuatı Trampın bu dönüşünü əsasən müsbət qiymətləndirib. "The New York Post" nəşri onun sözlərini "qətiyyətli və strategiyaca əsaslandırılmış" adlandırıb. Eyni zamanda təqaüdə çıxmış general Cek Kin bunun "tamamilə köklü dəyişiklik anı" olduğunu bildirib, senator Linsi Qrem isə ABŞ prezidentinin "Putinə həqiqətən də qəzəbli olduğunu" əlavə edib.

Xatırladaq ki, bu gün Donald Tramp rus hökmdarı Vladimir Putinin onu məyus etdiyini bildirib. Lakin onunla işlər hələ başa çatmayıb.

Dünən ABŞ prezidenti Kremlə ultimatum verib: növbəti 50 gün ərzində Kiyev və Moskva "ədalətli" saziş bağlamasa, ABŞ "ikinci dərəcəli sanksiyalar" tətbiq edəcək.

Lakin Ukraynaya yeni PATRİOT hava hücumundan müdafiə sistemlərinin tədarükünü dəstəkləmək barədə bənzərsiz qərara baxmayaraq, Donald Tramp hələ də bu müharibədə üstünlüyün Moskva tərəfində olduğuna əmin olaraq qalır.

ABŞ mətbuatının məlumatına görə, Tramp Rusiyaya münasibətdə nitqini kəskin dəyişib. Bunun üçün onun ən azı üç əsas səbəbi var.

Samir