Artmaqda olan iqtisadi qeyri-sabitlik və qlobal təkanlar fonunda bəzi insanlar 2025-ci il yay tətil planlarından imtina etməyə məcbur olurlar. 

HİT.az xəbər verir ki, özünü haqlı istirahətdən məhrum etmək və ya onu mövsümarasına köçürmək istəməyənlər isə səfərin təşkilində qənaət yolları axtarırlar.

Lakin daha büdcəli turizm istiqamətinin seçimi, istirahətin keyfiyyətindən və təəssüratlardan imtina etmək lazım olduğu mənasını daşımır.

Turizm eksperti Vinisius Kosta "Travel Off Path" üçün yazdığı materialda qeyd edir:

"Əgər bu yay Avropaya getməyi planlaşdırırsınızsa, amma hələ marşrutu müəyyənləşdirməmisinizsə, çox güman ki, son anda qalxan qiymətlər sizi heyrətə salıb. Günəşli İspan sahillərindən (Kosta-Brava) tutmuş, Fransa Rivyerası və İtaliyanın Amalfi sahilləri ilə Xorvatiyanın Dalmatiya sahillərinədək - bütün bu yerlərdə gündəlik büdcə 194 dollardan başlayır, turist axınından isə danışmırıq. Yaxşı xəbər budur ki, büdcəli turistlər üçün Avropanın bütün yay istiqamətləri Pozitano qədər bahalı deyil. Əslində, Köhnə Dünyanın diqqətdən kənarda qalmış bir neçə sehrli guşəsi var ki, burada daha ucuz yaşayış və yemək təklif olunur".

1. Vlyora, Albaniya

Dağlar və dəniz arasında yerləşən bu şəhər Albaniya sahilinin əsas kurortudur. Bir vaxtlar ölkənin gizli incisi olan bu yer, indi Avropada məşhur istirahət məntəqəsinə çevrilib.

Vlyora - təzə bərpa olunmuş tarixi mərkəzi, sürətlə inkişaf edən sahil xətti, hündür binalı kondominiumları, canlı çimərlik barları və bütün gün boyu təzə dəniz məhsulları təqdim edən qonaqpərvər tavernaları ilə sakit bir şəhərdir.

Kosta qeyd edir:

"Müəyyən mənada bu, Aralıq dənizinin "yeni gələnidir": illər boyu turistlər lazımi infrastrukturun və hətta birbaşa reyslərin olmaması səbəbindən onu gözdən qaçırırdılar. Amma 2026-cı ildə Vlyora Beynəlxalq Hava Limanı nəhayət Avropa daxili reyslərə açıldıqda hər şey dəyişəcək".

Qiymətlər:
Restoran/kafedə büdcəli nahar: orta hesabla 8$
İki nəfər üçün 3 yeməkli axşam yeməyi: 28$
Hosteldə gecə: təxminən 14$
Orta səviyyəli otel: 59-69$
5 ulduzlu otel: 184-295$
Taksi (1 km): 1.9$

2. Oxrid gölü, Şimali Makedoniya

Şimali Makedoniyanın ən böyük gölü çox vaxt kifayət qədər diqqət görmür. Uzunluğu 30 km, eni isə 15 km olan göl tez-tez Balkanların daxili dənizi adlandırılır.

Kosta təsvir edir:

"Sahil boyu sıralanmız sehrli şəhərləri, daşlı küçələri, rəngarəng qayıqları olan mənzərəli limanları, sanki zamandan xəbəri olmayan gözəl qədim kilsələri və hətta yaxt-klubların yanındakı bir neçə çınqıllı çimərliyi təsəvvür edin".

Kosta xüsusilə Oxrid şəhərinə (bizans xarabalıqları olan mədəniyyət mərkəzi), öz alabalığı ilə məşhur olan sakit balıqçı kəndi Pestani və populyar çimərlik klubu Cuba Libre-yə diqqət yetirməyi məsləhət görür.

Qiymətlər (Oxrid gölü ətrafında):
Restoran/kafedə büdcəli nahar: orta hesabla 6.5$
İki nəfər üçün 3 yeməkli axşam yeməyi: 29.85$
Hosteldə gecə: təxminən 14$
Orta səviyyəli otel: 30$
5 ulduzlu otel: 80-150$
Taksi (1 km): 0.88$

3. Nesebr, Bolqarıstan

Bolqarıstanın Qara dəniz sahilində, materiklə bəndlə birləşdirilən kiçik bir yarımadada yerləşən bu şəhərdə Avropa yayından gözlədiyiniz və sevdiyiniz hər şey vardır.

Burada minillik kilsələr və məbədlər (UNESCO-nun Ümumdünya İrsi siyahısına daxil edilməsinə səbəb olub), gözəl taxta terraslı evlər (hələ də yerli sakinlər yaşayır), ənənəvi bolqar mətbəxinin təqdim olunduğu ailəvi restoranlar və təbii ki, dəniz var.

Kosta vurğulayır:

"Nesebr çox kiçikdir, lakin bənddən başlayaraq "Günəşli Sahil" adlı canlı kurort zonasına qədər uzanan qızılı qumlu çimərliklər mavi sular boyunca kilometrlərlə uzanır. Əgər maraqlanırsınızsa, burada Aralıq dənizi qədər isti olur".

Qiymətlər:
Restoran/kafedə büdcəli nahar: orta hesabla 6.5$
İki nəfər üçün 3 yeməkli axşam yeməyi: 29.85$
Hosteldə gecə: təxminən 14$
Orta səviyyəli otel: 30$
5 ulduzlu otel: 80-150$
Taksi (1 km): 0.88$

Nəticə: Bu üç istiqamət (Vlyora, Oxrid gölü və Nesebr) bahalı Avropa kurortlarına alternativ olaraq keyfiyyətli, lakin daha əlverişli qiymətə çimərlik tətili təklif edir.

Samir