Tailand hakimiyyəti Kambocaya qarşı hərbi uğurların saxta fotolarını yaratmaq üçün süni intellektdən istifadə etməkdə ittiham edib. 

HİT.az xəbər verir ki, bu bəyanat iki ölkə sərhədində vəziyyətin gərginləşməsi fonunda verilib.

İttihamlara səbəb Kamboca sosial şəbəkələrində və hərbçilər arasında vurulmuş Tailand F-16 qırıcısını əks etdirən görüntünün yayılması səbəb olub. Tailand tərəfi bu məlumatı qəti şəkildə təkzib edərək, patrulda olan altı döyüş təyyarəsinin hamısının təhlükəsiz şəkildə bazaya qayıtdığını bildirib.

Tailand-Kamboca Sərhəd Vəziyyəti üzrə Xüsusi Əməliyyatlar Mərkəzinin sözçüsü Jirayu Huangsapın sözlərinə görə, görüntü süni intellekt tərəfindən yaradılıb, hətta məktəblinin də tanıya biləcəyi açıq-aşkar saxtakarlıqdır. Onun sözlərinə görə, bu cür "öyünməli xəbərlər" Kamboca ordusunda əhval-ruhiyyəni artırmaq üçün yaradılıb. O, Tailand vətəndaşlarını ölkənin silahlı qüvvələrinə etibar etməyə çağırıb.

İttiham Tailandda Kamboca qüvvələrinin mülki hədəfləri, o cümlədən xəstəxanalar və evləri atəşə tutması və mülki əhali arasında itkilərə səbəb olması ilə bağlı iddialar fonunda səslənir. Tailand hakimiyyəti bu hərəkətləri qeyri-insani, barbar və müharibəyə təhrikedici adlandırıb.

Davam edən qarşıdurma fonunda Tailand hakimiyyəti Buriram, Surin, Sisaket və Ubon Raçathani də daxil olmaqla sərhəd əyalətlərindən mülki insanları təxliyə edir.

Samir