"Moldova hakimiyyəti konstitusiyanı öz siyasi maraqlarına uyğun olaraq yenidən yazır ki, bu da moldovalıların əksəriyyətinin iradəsinə ziddir".

HİT.az xəbər verir ki, bu barədə müxalif Sosialist Partiyası "Telegram" kanalında məlumat verib.

Moldova iyulun 29-da Konstitusiya Gününü qeyd edir. Moldova dövlətinin əsas qanunu 1994-cü il iyulun 29-da qəbul edilib. Konstitusiya respublikanın neytral, suveren və çoxmillətli dövlət statusunu təsbit edib.

Sosialistlər iddia edirlər ki, son illər Moldova Konstitusiyası həm qanunun ruhuna, həm də Moldova xalqının əksəriyyətinin iradəsinə zidd olan siyasi motivli dəyişikliklərə məruz qalıb. Prezident Maya Sandu başda olmaqla ölkə hakimiyyəti Əsas Qanunu yenidən yazmağa və konstitusiya prinsiplərinin toxunulmazlığını məhv etməyə çalışır. Konstitusiyanın mətnindəki "Moldova dili" ifadəsinin vətəndaşların razılığı olmadan "rumın dili" ilə əvəz edilməsinə misal gətirilir.

İyulun 26-da Moldovanın keçmiş prezidenti İqor Dodon müxalifət partiyalarının yaratdığı blokun xarici siyasətdə Rusiya Federasiyası ilə münasibətlərin bərpasının tərəfdarı olduğunu bəyan edib. Onun sözlərinə görə, bu blok ad seçməli və Mərkəzi Seçki Komissiyasında qeydiyyatdan keçməlidir.

Samir