Ümumiyyətlə, büdcəli turistləri xoş qarşılamayan Yeni Zelandiya hökuməti, xarici qonaqlardan əlavə gəlir əldə etmək üçün yeni bir üsul tapıb.

HİT.az xəbər verir ki, "The Independent" qəzetinin yazdığına görə, Yeni Zelandiya təbiətin qorunması proqramı çərçivəsində ölkənin dörd ən məşhur təbii abidəsini xaricilərin ziyarəti üçün ödəniş tətbiq etməyi planlaşdırır.

Gözlənilir ki, digər ölkələrdən olan turistlər üçün bu obyektlərin ziyarət haqqı 20 Yeni Zelandiya dolları ilə 40 dollar arasında dəyişəcək. Baş nazir Kristofer Lukson və Təbiəti Mühafizə naziri Tama Potaka tərəfindən elan edilən bu tədbirlər yeni iş yerlərinin açılması və əməkhaqqının artırılması planının bir hissəsidir.

Ödənişin tətbiq ediləcəyi ilk yerlər Te Anau / Vananqa kafedralı, Tonqariro Kruassinq vulkanı, Milford Sənd körfəzi və ziyarətçilərin təxminən 80%-ni xaricilərin təşkil etdiyi Aoraki / Maunt Kuk milli parkı olacaq.

Təbiəti Mühafizə naziri Tama Potaka bildirib: "Turistlər iqtisadiyyatımıza böyük töhfə verir və heç kim bunun dəyişməsini istəməz. Amma xaricdən gələn dostlarımdan çox dəfə eşitmişəm ki, onlar dünyanın ən gözəl yerlərindən bəzilərini pulsuz ziyarət edə bilmələrinə təəccüblənirlər. Bu xüsusi yerlərdə xarici turistlərin əlavə töhfə verməsi tamamilə ədalətlidir. Qoruq üçün bu, illik 62 milyon ABŞ dollarına qədər bir məbləğ deməkdir ki, bu da birbaşa həmin istiqamətlərə yenidən qoyulacaq ki, turizm sektorumuz üçün bu qədər vacib olan obyektlərə investisiya qoymağa davam edə bilək".

Eyni zamanda vurğulanır ki, Yeni Zelandiyalılar üçün giriş pulsuz olaraq qalacaq. Güman edilir ki, ödəniş ehtimal ki, 2027-ci ildən etibarən tətbiq ediləcək.

Samir