İtalyan Alplərindəki Komo gölü və eyniadlı qəsəbə uzun müddətdir dəbdəbəli Avropa istirahəti və gözəllik həyatının simvollarından biridir. Əlbəttə, hər kəs ora gəlib bir neçə selfi çəkə bilər, lakin tam dəyərli istirahət ancaq milyonçuların bacarığındadır.

HİT.az "Independent" nəşrinə istinadən xəbər verir ki, əslində Como gölü ətrafında Avropa ölçülərinə görə kifayət qədər büdcəvi istirahət edilə biləcək yerlər var. Xaricilər tez-tez bunu dərk etmirlər ki, hər addımda dəbdəbənin olduğu Komo və Bellajio qəsəbələrindən başqa, göl ətrafında Hollivud ulduzlarının ayaq basmadığı, rus oliqarxlarının malikanələrinin və turist izdihamlarının olmadığı başqa qəsəbə və kəndlər də yerləşir.

Belə ki, Komo gölü yaxınlığında istirahəti sevən italyanların özləri Komo şəhərindən 30 km şərqdə yerləşən Lekko şəhərini seçirlər. Bu yaya piyada hərəkət üçün əlverişli kiçik bir qəsəbədir - vağzaldan limana 10 dəqiqəyə piyada getmək olar. Burada az qala heç bir suvenir mağazası yoxdur, əvəzində tanınmış Avropa brendlərinin (H&M, Calzedonia) mağazaları, "Carrefour" supermarketləri və kiçik yerli kitab mağazaları və butiklar var.

Mərkəzi Piazza Qaribaldi meydanında küçə musiqiçilərinin canlı musiqisi altında espresso və kruvasanın ləzzətini ala bilərsiniz. Sonra isə velosiped yolları, çiçəklər və "Capo Horn Gelateria Artigianale" dondurması ilə sahilboyu gəzintiyə çıxın. "Bottega del Maiale", "L’EK Bistrot" və ya "Cardamomo Persian Palace Lecco" kimi müəssisələr göl yaxınlığında açıq havada dadlı naharlar təklif edir.

Sahildən Monte Roza, Monvizo və Adamello dağlarının heyrətamiz mənzərələri açılır. Tez-tez günəş batarkən piknik edən cütlüklər və ailələr görə bilərsiniz.

Lekkodakı həyat sürəti sakitdir - tələsiklikdən yorulanlar üçün idealdır. Burada Palazzo delle Paure meydanında bir stəkan Sforzato di Valtellina və ya Franciacorta ilə bir neçə saat keçirmək və ya orta əsr xarabalıqları olan Lungolago di Lekko panoramik nöqtəsinə qalxmaq asandır.

Lekkoda göldən piyada məsafədə təkcə bahalı deyil, həm də kifayət qədər büdcəvi otellər (əlbəttə, Qərbi Avropa ölçülərinə görə) tapa bilərsiniz.

Lekko fəal istirahət həvəskarları üçün çox şey təklif edir. Yaxınlıqda piyada gəzintiləri və dağa dırmanma marşrutları var, xüsusilə Maqnodeno, Monte Barro dağlarına və ya Sentyer delle Pozzedəki təbii hovuzlara. Alpinistlər üçün məşhur Nibbio qayası cəmi yarım saatlıq məsafədədir.

Əgər daha yüksəyə qalxmağa hazırsınızsa - Piani d'Erna və ya Monte Rezeqona marşrutu yerli yeməklərə iştaha açacaq: valtellina üslublu pizzokkeri, incə polenta və ətirli rizotto.

Samir