Finlandiya Prokurorluğu 2024-cü ilin dekabrında Finlandiya körfəzində sualtı kabellərin zədələnməsi işi ilə bağlı ittiham irəli sürüb. 

HİT.az xəbər verir ki, təqsirləndirilən şəxslər saxlanılan "Eagle S" neft tankerinin kapitanı, həmçinin onun birinci və ikinci müavinləridir. Bu barədə Finlandiya agentliyinin press-relizində deyilir.

Prokurorluğun məlumatına görə, Kuk adalarının bayrağı altında üzən gəmi neft məhsulları yükü ilə Rusiyanın Ust-Luqa limanını tərk edib. Bu tanker lövbəri dəniz dibi ilə təxminən 90 km sürükləyərək beş sualtı kabeli zədələyib. 

Prokurorluq iddia edir ki, kabellərin sahibləri təkcə təmir xərclərinə görə ən azı 60 milyon avro zərər görüblər. Yüksək məhsuldar elektrik xətlərinə və telekommunikasiya kabellərinə dəyən ziyan həmçinin Finlandiyanın enerji təchizatı və telekommunikasiya üçün ciddi təhlükə yaradıb.

Hər üç təqsirləndirilən şəxs təqsirli olduqlarını rədd edir. Onlar həmçinin hesab edirlər ki, Finlandiyanın bu işə aidiyyəti yoxdur, çünki zədələnmiş kabellər Finlandiya ərazi sularından kənarda yerləşir.

"Eagle 2" elektrik kabelinin zədələnməsi 2024-cü il dekabrın sonunda məlum olub. Kabel Estoniya və Finlandiyanı birləşdirir. Finlandiyanın xarici işlər naziri Elina Valtonen belə hadisələrin araşdırılmasını tələb etdiyini bildirib və Rusiyanı bu hadisələrə görə günahlandırmamağa çağırıb. "The Wall Street Journal" yazıb ki, NATO ölkələri Baltik dənizində sualtı kabellərin zədələnməsinə görə hər kəsi məsuliyyətə cəlb etməkdə çətinlik tapıblar.

Samir