Bu həftə bir çox Avropa ölkələrini isti hava dalğası bürüyüb və çox sayda insan suda sərinləmək üçün çimərliklərə tələsir. Lakin günəş həvəskarlarına mobil telefonlarının müxtəlif risklərə məruz qalmasını nəzərə almaq tövsiyə olunur.

HİT.az "The Express"ə istinadən xəbər verir ki, mobil cihaz mütəxəssislərinə görə, çimərlikdə smartfonlar üçün üç əsas təhlükə var: dəniz, qum və günəş.

Xüsusilə, texnologiya təkrar emalı ilə məşğul olan "Compare and Recycle" şirkətinin məhsul direktoru Li Elliot bildirib ki, telefonlar günəş, dəniz və qum təsirinə məruz qaldıqda düşündüyümüz qədər davamlı deyil. O, mobil cihazı yerləşdirmək üçün istifadə oluna bilən su keçirməyən örtüyü qoruyucu tədbirlərdən biri kimi göstərib.

Mütəxəssislər həmçinin smartfon və ya planşetlərin temperaturunu nəzarətdə saxlamaq üçün onları kölgədə saxlatmağı tövsiyə edirlər. Bundan əlavə, cihazı uçuş rejimi və ya enerjiyə qənaət rejimi-nə keçirmək də qoruyar. Əgər telefonun çətin çatan hissəsinə qum dənəcikləri daxil olubsa, iti əşyalar deyil, yumşaq fırça istifadə etmək lazımdır.

Lakin smartfonunuzu nəinki təbiət şəraitindən, həm də oğrulardan qorumağın ən yaxşı yolu – əgər təbii ki, daim əlaqədə olmamaq kimi bir lüksü özünüzə aid edə bilirsinizsə – onu evdə ya da otel seyfində qoymaqdır.

Əlavə qorunma tədbirləri:

* Telefonsuz edə bilmirsinizsə, bəzi kurortlar kiçik bir ödənişlə qiymətli əşyalarınızı qoya biləcəyiniz çimərlik şkafları təklif edir.

* Həmçinin, özünüzü çimərlikdə yatanda yuxuya gedəcəyinizi düşünsəniz belə, böyük bir şeyə və ya hətta özünüzə etibarlı şəkildə bərkidə biləcəyiniz "oğurluqdan qoruyan" xüsusi örtük-çanta ala bilərsiniz.

* Üzmək niyyətindəsinizsə və əşyalarınıza nəzarət edəcək etibarlı kimsə yaxınlıqda deyilsə, özünüzə bərkidə biləcəyiniz su keçirməyan sıx bağlanan örtüklər də mövcuddur.

* Bir başqa variant – qiymətli əşyaları dəsmal altında basdırmaqdır, lakin bu telefonu qumdan qorumaq istəyəndə ən yaxşı fikir deyil. Üstəlik, oğruların nəsə basdırdığınızı görmə riski var.

* Xüsusilə məsuliyyətli turistlər mobil telefon, planşet və digər cihazları üçün sığorta rəsmiləşdirə bilərlər.

Eyni zamanda, "ID Mobile" telefonun itirilməsi halında onu izləmək, bloklamaq və ya məlumatları silmək üçün iOS üçün "iPhone'umu Tap" və Android üçün "Cihazımı Tap" funksiyasını aktivləşdirməyi mütləq tövsiyə edir.

Samir