Keçmiş ABŞ kəşfiyyat əməkdaşı, ölkənin dörd fərqli yadplanetli növü ilə əlaqə saxladığını iddia edib. 

HİT.az xəbər verir ki, bu açıqlama ABŞ-da Naməlum Hava Hadisələri (UAP) və dünya xarici həyat mövzularını yenidən gündəmə gətirib.

ABŞ-da prezidentliyə namizədlər, xüsusilə də Donald Tramp, seçkilərdən əvvəl “yadplanetli sənədlərini açıqlayacağı” vədi versələr də, indiyə qədər belə bir addım atılmayıb. Lakin may ayında keçirilən UAP brifinqində, Pentaqonun məxfi layihələrində çalışması ilə tanınan fizik Erik Davis, “Grays”, “Nordics”, “Insectoids” və “Reptilians” adlanan dörd yadplanetli növün potensial olaraq ABŞ-la əməkdaşlıq etdiyini söyləyib.

Davis bu varlıqları insana bənzər, təxminən insan boyunda və gizli geriyə mühəndislik proqramlarında ABŞ-a yardım edən varlıqlar kimi təsvir edib. İddianın səs-küy yaratmasının səbəbi isə, bu cür açıqlamaların indiyədək əsasən hökumətdə aşağı səviyyəli vəzifələrdə çalışmış şəxslər tərəfindən səsləndirilməsinə baxmayaraq, ilk dəfə tanınmış bir dövlət elm adamı tərəfindən irəli sürülməsidir.

Buna baxmayaraq, konqres komissiyası hələ də şübhəlidir. Üzvlər, Davisin məlumatlarının birbaşa müşahidəyə yoxsa ikinci əl mənbələrə söykəndiyini dəqiqləşdirməyin vacib olduğunu bildiriblər.

Komissiya üzvlərindən biri belə deyib: “Əgər bu iddialar doğrudursa, bu, tamamilə yeni bir dövrün başlanğıcı olar. Həm də əgər doğru olarsa, hökumətin xidmət etdiyi xalqdan belə bir sirri gizlətməyə haqqı yoxdur.”

Samir