ABŞ prezidenti Donald Tramp hələ də Rusiya lideri Vladimir Putinə qəzəblidir və diplomatik səyləri uğursuz olsa belə, Ukrayna üçün NATO ölkələrinə silah satışını dayandırmayacaq. 

HİT.az xəbər verir ki, bu barədə ABŞ rəsmilərinin bəyanatlarına istinadən "Axios" məlumat yayıb.

Nəşrin yazdığına görə, ABŞ rəsmilərinin fikrincə, son altı ayda bir sıra nəticəsiz telefon danışıqlarından sonra Tramp sülhə hazırlığını qiymətləndirmək üçün Putinlə şəxsən görüşməyə can atır.

Bununla belə, Ukrayna prezidenti Volodimir Zelenski və digər Avropa liderləri narahatdırlar ki, Tramp Putinin gözünün içinə baxarsa, o, əslində onun sərt tələbləri ilə razılaşacaq, məqalədə qeyd olunur.

"Hələ heç kim Trampın cümə günü Putindən nə istədiyini bilmir. Biz Trampa nə qədər təsir edə biləcəyimizi bilmirik, amma cəhd etməyə davam etməliyik", deyə Ukrayna rəsmisi "Axios"a bildirib.

Eyni zamanda, ABŞ rəsmiləri iddia edirlər ki, əgər Trampın ritorikası bəzən Rusiyayönlü səslənirsə, bunun səbəbi o, belə açıq bəyanatların ona sövdələşməyə kömək edəcəyinə inanmasıdır. Həqiqətən də onlardan biri "Axios"a deyib ki, Tramp hələ də Putinə qəzəblidir:

"Aylardır ümumi konsensus ondan ibarət idi ki, biz sabah Rusiya iqtisadiyyatını çökdürə bilərik. Ukraynanı məhv etməyin daha çox yolu var. Amma o, tərəf seçməli olsaydı, Rusiya iqtisadiyyatına zərbə vurardı. Onun həqiqətən də kifayət qədər gücü var".

ABŞ rəsmisi həmçinin nəşrə bildirib ki, diplomatik səylər uğursuz olsa belə, Tramp Ukrayna üçün NATO ölkələrinə silah satmağa davam edəcək.

"Tramp bunu bacarmaya bilər, lakin o, əlindən gələni edəcək", deyə rəsmi bildirib.

Samir